GZ လူငယ်တွေကတော့ ရည်မှန်းချက်တွေပြည့်ဝဖို့ ခက်ခဲကြမ်းတမ်းတဲ့ လွတ်မြောက်နယ်မြေတွေမှာ အရာရာကိုစွန့်လွှတ်ပြီး စစ်ပညာများ သင်ယူနေကြတာဖြစ်ပါတယ်။ စစ်ပညာသင်ယူနေရတဲ့အချိန်မှာလည်း နေထိုင်စားသောက်ရေးကအစဆင်းရဲပြီး ပင်ပန်းမှုတွေကို ရင်ဆိုင်ကြုံတွေ့နေကြရတာ ဖြစ်ပါတယ်။ သူတို့တွေဟာ ယုံကြည်မှုတစ်ခုအတွက်နဲ့ အနေအစားမလုံလောက်တဲ့နေရာတွေမှာ ချစ်တဲ့သူတွေကို ခွဲခွာပြီး ပြည်သူတွေအတွက် အနစ်နာခံနေကြရတာ ဖြစ်ပါတယ်။
စစ်ပညာများ သင်ယူနေကြတဲ့ နေရာတွေဟာ ခက်ခဲကြမ်းတမ်းတဲ့ အရပ်ဒေသဖြစ်တာကြောင့် ပင်ပန်းဆင်းရဲမှုတွေကြားမှာ ရုန်းကန်နေရတဲ့အချိန် မိသားစုကိုလွမ်းတဲ့ GZ လူငယ်တွေကတော့ ခံစားချက်တွေကို ဖွင့်ဟပြီး သီချင်းများရေးဖွဲ့ကာ သီဆိုကြတာ ရှိပါတယ်။ ယခုမှာလည်း KNU ထံမှာ ခိုလှုံပြီး စစ်ပညာများသင်ယူနေတဲ့ ရဲဘော်တချို့က ဂီတာလေးတီးပြီး ဝိုင်းဖွဲ့သီဆိုထားတဲ့ ဗီဒီယိုဖိုင်လေးကို ဖော်ပြလာခဲ့ပါတယ်။
ဒီသီချင်းလေးဟာ မိခင်ကို လွမ်းနေကြတဲ့ တော်လှန်ရေးကြီးအောင်မြင်ဖို့ ကြိုးစားနေတဲ့ ရဲဘော်များအတွက် ရည်ရွယ်ပြီး တေးရေး နေလုံးကရေးပေးထားဖြစ်ပါတယ်။ လွတ်မြောက်နယ်မြေထဲရောက်နေချိန် အမြဲကြင်နာပေးတဲ့ မိခင်ကို လွမ်းနေကြရတဲ့ ရဲဘော်တွေအတွက် အရမ်းထိမိတဲ့ သီချင်းလေးပဲ ဖြစ်ပါတယ်။ ခံစားချက်တွေဖွင့်ဟပြီး အနှစ်သာရတွေ ပေါ်လွင်အောင် သီဆိုနေကြတဲ့ ရဲဘော်တွေရဲ့ ဗီဒီယိုဖိုင်လေးကို ပရိသတ်တွေကြည့်ရှုလို့ရအောင် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - Min Khat Min