ကျူးကျော်အိမ်ခြေရှိ နွမ်းပါးပြည်သူတွေပြေလည်စေဖို့အတွက် ငါးတစ်ကောင်လုံးအပြင် ရိက္ခာတွေပါလှူဒါန်းပေးခဲ့တဲ့ ခိုင်နှင်းဝေ

ပရဟိတအလုပ်တွေနဲ့ ပရိသတ်တွေရဲ့ လေးစားချစ်ခင်မှုတွေကို များစွာရရှိထားတဲ့ ခိုင်နှင်းဝေဟာ အခုအခါမှာဆိုရင်လည်း ၀မ်းမြောက်စရာအလှူဒါနလေးကို ရက်ရက်ရောရောပြုလုပ်ခဲ့ပြန်ပြီလည်း ဖြစ်ပါတယ်။ ကျူးကျော်အိမ်ခြေ (၂၀၀)ရှိ နွမ်းပါးပြည်သူတွေအတွက် စားနပ်ရိက္ခာတွေနဲ့ ငါးတွေပါစေတနာထက်သန်စွာနဲ့ လှူဒါန်းပေးခဲ့တာဖြစ်ပါတယ်.....။

ခိုင်နှင်းဝေဟာ ပရဟိတမင်းသမီးလို့တင်စားရလောက်အောင် လိုအပ်နေတဲ့ချို့တဲ့နေရာတွေကို ကိုယ်တိုင်သွားရောက်လှူဒါန်းပေးနေတဲ့သူပါ။ အခုအခါမှာဆိုရင်လည်း ပြည်သူတွေကို စနစ်တကျနဲ့ ဆန် (၂)ပြည်၊ ငါး (၁)ကောင်၊ ငါးပိ၊ ဂေါ်ဖီထုပ်များကို လှူဒါန်းပေးခဲ့ပြီး ပြည်သူတွေကလည်း ပျော်ရွှင်၀မ်းမြောက်စွာနဲ့ လာရောက်ယူနေကြတာကို တွေ့ရပါတယ်.....။

အခုလို အဖက်ဖက်ကနေစီးပွားရေးကြပ်တည်းပြီး မပြေလည်နေကြတဲ့အချိန်မှာ အာဟာရကုသိုလ်ပေးခြင်းက အင်မတန်မွန်မြတ်လှတဲ့ ကုသိုလ်တစ်ရပ်ပါ ။ ခိုင်နှင်းဝေကလည်း မိဘမဲ့ဂေဟာက ကလေးငယ်တွေအပြင် ပြည်သူတွေရဲ့လိုအပ်ချက်ကိုပါ အမြဲနားစွင့်နေပြီး ကူညီပေးတတ်တာကြောင့် အများရဲ့လေးစားမှုကိုလည်း ရရှိနေတာဖြစ်ပါတယ် ။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Khine Hnin Wai's Facebook acc