မိခင်ဖြစ်သူက ကိုယ်ဝန်ဆောင်ချိန်မှာ ပြဒါးနဲ့ထိတွေ့ခဲ့မိလို့ မျက်လုံးတစ်လုံးတည်းနဲ့ မွေးဖွားလာတဲ့ဝမ်းနည်းဖွယ် ကလေးငယ်ရဲ့ ရုပ်သံ

အင်ဒိုနီးရှားအမျိုးသမီးတစ်ဦးဟာ မျက်လုံးတစ်လုံးတည်းပါလာတဲ့ "cyclops" ကလေးမွေးဖွားခဲ့တာကြောင့် ဆရာဝန်များကို အံ့အားသင့်စေခဲ့ပေမယ့်လည်း ခုနစ်နာရီအကြာတွင် ကလေးမလေး ကုိဆုံးရှုံးခဲ့ရပါတယ်။ Sumana ပြည်နယ်မြောက်ပိုင်း Mandailing Natal ခရိုင် Rumah Sakit Umum Daerah ဆေးရုံတွင် Sumana Ariyanto နှင့် သူရဲ့ ဇနီး Suriyanti တို့ ဇနီးမောင်နှံဟာ သူတို့ရဲ့ ပဉ္စမမြောက်ကလေးမလေးကိုမွေးဖွားခဲ့ပါတယ်။ ဒါပေမယ့်ကိုယ်အလေးချိန် ၅ ပေါင်ရှိတဲ့ကလေးလေးဟာ အခြားအင်္ဂါတွေပြည့်စုံခဲ့ပေမယ့် သူမရဲ့နဖူးအလယ်မှာ မျက်လုံးတစ်လုံးနဲ့ပဲ မွေးဖွားခဲ့ပါတယ်။

Suriyanti ဟာ အာထရာဆောင်းရိုက်ခြင်းမလုပ်ခဲ့တာကြောင့် သမီးဖြစ်သူအား တွေ့လိုက်ရတဲ့အခါ Shock ဖြစ်သွားပြီး ခင်ပွန်းနှင့်အတူ အခန်းထဲမှာ သူမကိုသူမ ပိတ်ထားခဲ့ပါတယ်။ ဆရာဝန်တွေက ကလေးကို အထူးကြပ်မတ်ကုသဆောင်မှာထားပြီး ကျန်းမာရေးအဖွဲ့က ၁၅ မိနစ်တိုင်း ကလေးမလေးကို စောင့်ကြည့်နေပေမယ့် ည ၁၀ နာရီ ၄၄ မိနစ် သူမမွေးဖွားတဲ့ညမှာပဲ ဆုံးသွားခဲ့ပါတယ်။ Mandailing Natal ခရိုင် ကျန်းမာရေးရုံးအကြီးအကဲ Dr Syarifuddin Nasution က “ ကလေးမလေးဟာ ပုံမှန်မဟုတ်တဲ့အခြေအနေတစ်ခုမှာမွေးဖွားခဲ့ပါတယ်၊ အဲ့အပြင်သူမမှာ နှာခေါင်းမရှိလို့ ပါးစပ်ကနေ အောက်ဆီဂျင်ပိုက်ထည့်ခဲ့ရပါတယ် " လို့ ပြောခဲ့ပါတယ်။

ဆရာဝန်များက ဒီလိုအခြေအနေရှိတဲ့ ကလေးငယ်များကို ပုံမှန်အားဖြင့် ဗိုက်ခွဲမွေးကြောင်း ပြောပြခဲ့ပါသေးတယ်။ ပုံမှန်အားဖြင့် အဲ့လိုကလေးငယ်များရဲ့ နှလုံးခုန်နှုန်းဟာ တစ်မိနစ်လျှင် ၁၀၀ နှုန်းအောက်တွင်ရှိပါတယ်။ Dr Syarifuddin က ကလေးအခုလို မသန်မစွမ်း ဖြစ်ရခြင်းမှာ ပြဒါးထိတွေ့မှုနှင့် Rubella Virus တို့ကြောင့်ဖြစ်တယ်လို့ ပြောပြခဲ့ပါတယ်။ မိဘများဟာ Panyabungan မြို့ ၊ Kayu Jati ရွာတွင်နေထိုင်ကြပြီး အဲ့ဒီက မိုင်းတွင်းတစ်ခုခုမှာ အလုပ်လုပ်ကြပါတယ်။ ဒါကြောင့်လည်း ကလေးဟာ ခုလို မကျန်းမာခဲ့ရခြင်းဖြစ်ပါတယ်။

သတင်း အရင်းအမြစ်៖ Mirror