လတ်တလော အချိန်ကာလတွေမှာ မြန်မာနိုင်ငံအတွင်း မြိုနယ်တချို့တွေမှာ မီးလောင်မှုတွေဟာ မကြာခဏ ဖြစ်ပွားလာခဲ့တာ တွေ့ရပါတယ်။ ဒီလိုမီးလောင်မှုတွေကြောင့် ပြည်သူတွေ ကြိုးစားရှာဖွေစုဆောင်းထားတဲ့ အရာတော်တော် ပျက်စီးဆုံးရှုံးခဲ့ပါတယ်။ယခုနောက်ပိုင်းမှာ အများဆုံး မီးလောင်မှုဖြစ်ပွားနေတာကတော့ နေအိမ်များနဲ့ အများပြည်သူတွေ အသက်မွေးဝမ်းကြောင်းပြုနေရတဲ့ စျေးများ အဖြစ်များတာကို တွေ့ရပါတယ်။
ယခုနှစ်အတွင်း မီးလောင်မှုဖြစ်ပွားခဲ့တဲ့ ဖြစ်စဥ်တွေမှာ ပြီးခဲ့တဲ့ မေလ(၁၆)ရက်နေ့တုန်းက စစ်ကိုင်းတိုင်းဒေသကြီး၊ ရွှေဘိုမြို့မစျေး မီးလောင်မှုဟာ အဆိုးဝါးဆုံး ဖြစ်ခဲ့ပါတယ်။ ယင်းမီးလောင်မှုကြောင့် စျေးသူစျေးသားတွေရဲ့ ဆိုင်ခန်းပေါင်း (၉၀၁) ဆိုင်လောက် ပျက်စီးဆုံးရှုံးခဲ့ရပါတယ်။ ယခုအခါမှာလည်း သြဂုတ်လ(၃၀)ရက်နေ့က အဆိုပါ ရွှေဘိုမြို့မစျေးမှာ ဒုတိယအကြိမ် မီးလောင်မှုဖြစ်ပွားခဲ့တယ်လို့ သိရပါတယ်။
ညနေ(၆:၃၀)ဝန်းကျင်ခန့်မှာ စတင်မီးလောင်ခဲ့ပြီး ည(၇)ဝန်းကျင်လောက် မီးငြှိမ်းသတ်နိုင်ခဲ့ကြောင်း သိရပါတယ်။ အဆိုပါ မီးလောင်မှုကြောင့် ဆိုင်ခန်းတချို့ ပါသွားခဲ့ပြီး ပျက်စီးဆုံးရှုံးမှု တန်ဖိုးကိုတော့ လက်ရှိအချိန်ထိ အတည်ပြုနိုင်ခြင်းမရှိခဲ့ပါဘူး။ ဒုတိယအကြိမ် ထပ်မံမီးလောင်မှုဖြစ်ခဲ့တဲ့ ရွှေဘိုမြို့မစျေး ရဲ့ အခြေအနေကို ပရိသတ်တွေသိရှိအောင် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - Original Upload