ရယ်စရာဟာသပြတ်လုံးတွေနဲ့ ဟာသဉာဏ်ရွှင်မှုတွေအပြင် ဟန်ပန်အမူအရာတွေကြောင့် ယနေ့အချိန်ထိပရိသတ်တွေ အမြဲအမှတ်ရနေတဲ့ ဝါရင့်ဟာသလူရွှင်တော် ဦးမိုးဒီကတော့ လက်ရှိမှာ အသက်အရွယ်ကြောင့် အနုပညာအလုပ်တွေ ရပ်နားထားရတာ ဖြစ်ပါတယ်..။
လတ်တလောမှာ ကိုဗစ်ရောဂါတွေ ကူးစက်ပြန့်ပွားမှုကြောင့် သက်ကြီးရွယ်အို အနုပညာရှင်တွေအတွက် ပရိသတ်တွေက စိုးရိမ်နေကြသလို ဦးမိုးဒီရဲ့ ကျန်းမာရေးအခြေအနေတွေနဲ့ ပတ်သက်ပြီးတော့ စိတ်ပူနေကြပါတယ်..။
ဒီကနေ့မှာတော့ လူရွှင်တော်မိုးစက်က တောင်ဥက္ကလာမှာနေထိုင်တဲ့ ဦးမိုးဒီရဲ့နေအိမ်ကို ရောက်ရှိနေကာ အလှူငွေတွေ ပေးအပ်ရင်း နှစ်ယောက်အတူ Live လွှင့်ပြီး ပရိသတ်တွေနဲ့ စကားပြောခဲ့ကြပါတယ်..။
ဦးမိုးဒီကတော့ ချစ်ခင်အားပေးပြီး မတွေ့တာကြာပြီဖြစ်တဲ့ ပရိသတ်တွေနဲ့ စကားပြောပြီး လက်ရှိကျန်းမာအခြေအနေတွေကို Live လွှင့်ပြသလာတာဆိုလည်း မမှားပါဘူး..။
အသက်(၇၄)နှစ်ကျော်ပြီဖြစ်တဲ့ ဦးမိုးဒီကတော့ လက်ရှိမှာ ကျန်းမာရေးကောင်းမွန်နေပြီး ပရိသတ်တွေနဲ့ ရယ်ရယ်မောမော ပျော်ပျော်ပါးပါး စကားတွေအပြန်အလှန်ပြောနေတာ တွေ့ရမှာပါ..။
ပရိသတ်တွေမေးသမျှကို ပြန်ဖြေရင်း အပြန်အလှန်စကားတွေပြောနေတဲ့ ဘဘဦးမိုးဒီရဲ့ Live ဗီဒီယိုဖိုင်လေးကိုလည်း တင်ဆက်မျှဝေပေးလိုက်တာမို့ ပရိသတ်တွေလည်း သဘောကျနေကြလိမ့်မယ်လို့ မျှော်လင့်ပါတယ်နော်..။
သတင်း အရင်းအမြစ်៖ Moe Sat's Fb Acc