ဒီကနေ့ ဩဂုတ်လ(၃၁)ရက်နေ့ နံနက်(၆)နာရီ ဝန်းကျင်ခန့်က ရန်ကုန်တိုင်း တောင်ဒဂုံမြို့နယ် ဗဟိုစည်ဈေး (၇၀/၇၁ ဈေး) အတွင်း မီးလောင်မှု ဖြစ်ပွားခဲ့ပါတယ်..။
ဗဟိုစည်ဈေး မီးလောင်မှုမှာ မနက် (၆)နာရီ (၁၅)မိနစ်တွင် စတင်ခဲ့ပြီး (၆)နာရီ (၃၅)မိနစ်တွင် မီးငြိမ်းခဲ့တယ်လို့ မျက်မြင်တွေ့သူ ဒေသခံတွေက ပြောပြခဲ့ပါတယ်..။
အဆိုပါဈေးမီးလောင်မှုမှာ ဝါယာရှော့ကြောင့် မီးလောင်မှုဖြစ်ပွားခဲ့တယ်လို့ ကနဦးသိရှိရပြီး လူထိခိုက်မှုတွေတော့ မရှိခဲ့ဘူးလို့ သိရပါတယ်..။
ဈေးက အခုမှအသစ်ဆောက်ထားတဲ့ ဈေးအသစ်ကြီးဖြစ်ပြီး ထောင့်ကွက်ဆေးဆိုင်ကနေ စတင်လောင်ကျွမ်းခဲ့ကာ ဆေးဆိုင်နဲ့ကပ်လျက် အထည်ဆိုင်တွေကတော့ မီးထဲပါကုန်ပြီး အခြားဆိုင်တွေလည်း ပိတ်ထားရပါတယ်..။
မီးငြိမ်းသတ်ဖို့အတွက် မီးသတ်ကား လေးစီး၊ လူနာတင်ယာဉ် နှစ်စီးရောက်ရှိခဲ့သလို စကစအဖွဲ့များလည်း ကားသုံးစီးဖြင့်ရောက်လာပြီး စစ်ဆေးမှုများ ပြုလုပ်လျက်ရှိပါတယ်..။
လတ်တလောမှာတော့ ဈေးမီးလောင်မှုကြောင့် ပြည်သူတွေ ထိတ်လန့်ခဲ့ရပြီး မီးငြိမ်းသတ်နိုင်ဖို့ကိုလည်း ဝိုင်းဝန်းကူညီအားဖြည့်ခဲ့ကြတာလည်း တွေ့ရပါတယ်..။
Bong I.T