အာဖဂန်နစ္စတန်နိုင်ငံမြို့တော်မှာ တာလီဘန်တိုက်ခိုက်ရေးသမားများဟာ အမေရိကန်တပ်ဖွဲ့များ ရုပ်သိမ်းခဲ့တာေကြာင့် သူတို့ရဲ့သေနတ်များကို ဝေဟင်တွင်ပစ်လွှတ်ခဲ့ပြီး အောင်ပွဲခဲ့ခံကြပါတယ်။ အမေရိကန်တွေဟာ အာဖဂန်နိုင်ငံကို ၂၀၀၁ခုနှစ် စက်တင်ဘာ ၁၁ တိုက်ခိုက်မှုကြောင့် ၀င်ရောက်လာခဲ့တာ ဖြစ်ပါတယ်။ အမေရိကန်ဗဟိုစစ်ဌာနချုပ်အကြီးအကဲ ဗိုလ်ချုပ်ဖရန့်မက်ကင်ဇီးဟာ တနင်္လာနေ့တွင်ပင်တဂွန်စစ်ဌာနချုပ်သတင်းစာရှင်းလင်းပွဲမှာ ခုလို ရုပ်သိမ်းဖို ကြေညာပြောဆိုခဲ့တာ ဖြစ်ပါတယ်။ တာလီဘန်တို့အာဏာပြန်ရလာပြီး အမေရိကန်နှင့်အာဖဂန်လူမျိုးများကို ဘေးလွတ်ရာသို့စေလွှတ်ရန် နောက်ဆုံးတပ်ဖွဲ့များစေလွှတ်ပြီးတဲ့နောက် တပ်တွေကို ရုပ်သိမ်းခဲ့ပါတယ်။
“ ကျွန်တော်ခု ကျွန်တော်တို့တပ်တွေကို အာဖဂန်နစ္စတန်ကနေဆုတ်ခွာတာနဲ့ အမေရိကန်နိုင်ငံသားတွေကိုကယ်ထုတ်ဖို့စစ်မစ်ရှင်ပြီးဆုံးခြင်းကို ကြေငြာဖို့ ရောက်ရှိလာတာပါ ” လို့ McKenzie ကပြောပါတယ်။ " ကျွန်တော်တို့ လူတိုင်းကိုတော့ ကယ်မထုတ်နိုင်ခဲ့ပါဘူး၊ ဒါပေမယ့် တကယ်လို့များ ကျွန်တော်တို့ နောက်ထပ် ၁၀ ရက်လောက် ဆက်နေမယ်ဆို လူတစ်ယောက်ကိုမှ ကယ်ထုတ်နိုင်မယ် မထင်ပါဘူး၊ ပြီးတော့လူတွေစိတ်ပျက်တာတွေလည်းရှိနေတုန်းပါ ၊ ခုလိုဆုံးဖြတ်ချက်ချရတာဟာလည်း တော်တော် ခက်ခဲပါတယ် " လို့ဆက်လက်ပြောကြားခဲ့ပါတယ်။
တာလီဘန်တို့ကအမေရိကန်တပ်ဖွဲ့များထွက်ခွာသွားခြင်းကို ဂုဏ်ပြုသောအားဖြင့် ဒီကိစ္စကို သမိုင်းဝင်အခိုက်အတန့်အဖြစ် ဖော်ပြခဲ့ပြီး အာဖဂန်နစ္စတန်နိုင်ငံသည် ယခုအခါ " အပြည့်အဝလွတ်လပ်ရေးရရှိခဲ့သည်" လို့ကြေငြာခဲ့ပါတယ်။ ဆက်လက်ပြီး တာလီဘန်များသည် အခြားနိုင်ငံသားများနှင့်အာဖဂန်နစ္စတန်နိုင်ငံသားများကို အခြားနိုင်ငံမှခရီးသွားခွင့်ပြုချက်ဖြင့် အာဖဂန်နစ္စတန်မှထွက်ခွာခွင့်ပြုလိုက်ကြောင်းကို ဗြိတိန်၊ အမေရိကန်နှင့်အခြားနိုင်ငံများမှ ထုတ်ပြန် ပူးတွဲကြေညာချက်အရ သိရှိရပါတယ်။ " တာလီဘန်တွေရဲ့အာမခံချက်ကို ကျွန်တော်တို့ရရှိခဲ့ပြီးနိုင်ငံခြားသားတွေနဲ့ အာဖဂန်နိုင်ငံသားအားလုံးကို ကျွန်တော်တို့နိုင်ငံကနေ ခရီးသွားခွင့်ပြုချက်နဲ့ ဘေးကင်းရာကိုစနစ်တကျထွက်ခွာသွားခွင့်ပေးပြီး နိုင်ငံပြင်ပကိုထွက်ခွာခွင့်ပြုလိမ့်မယ် " လို့ ကြေညာချက်မှာပြောခဲ့ပါတယ်။
တာလီဘန်များသည် အခြားနိုင်ငံသားများနှင့်အာဖဂန်နစ္စတန်နိုင်ငံသားများကို အခြားနိုင်ငံမှခရီးသွားခွင့်ပြုချက်ဖြင့် အာဖဂန်နစ္စတန်မှထွက်ခွာခွင့်ပြုလိုက်ကြောင်းကို ဗြိတိန်၊ အမေရိကန်နှင့်အခြားနိုင်ငံများမှ ထုတ်ပြန် ပူးတွဲကြေညာချက်အရ သိရှိရပါတယ်။ " တာလီဘန်တွေရဲ့အာမခံချက်ကို ကျွန်တော်တို့ရရှိခဲ့ပြီးနိုင်ငံခြားသားတွေနဲ့ အာဖဂန်နိုင်ငံသားအားလုံးကို ကျွန်တော်တို့နိုင်ငံကနေ ခရီးသွားခွင့်ပြုချက်နဲ့ ဘေးကင်းရာကိုစနစ်တကျထွက်ခွာသွားခွင့်ပေးပြီး နိုင်ငံပြင်ပကိုထွက်ခွာခွင့်ပြုလိမ့်မယ် " လို့ ကြေညာချက်မှာပြောခဲ့ပါတယ်။ ဩစတြေးလျ၊ ဂျပန်၊ ပြင်သစ်၊ စပိန်နှင့်အခြားနိုင်ငံများအပါအ၀င်နိုင်ငံများဟာလည်း သတ်မှတ်ထားတဲ့ ခရီးသွားစာရွက်စာတမ်းများကို အာဖဂန်များသို့ဆက်လက်ထုတ်ပေးလိမ့်မည်ဖြစ်ကြောင်း ကြေညာချက်တွင်ဖော်ပြထားပါတယ်။
သတင်း အရင်းအမြစ်៖ Aljazeera