မြောက်ဒဂုံက အဘိုးအဘွားလင်မယားနှစ်ယောက်ကို စားစရာတွေ သွားလှူဒါန်းရင်း ဝမ်းနည်းစရာအဖြစ်အပျက်နဲ့ ကြုံတွေ့လိုက်ရတဲ့ မရွှေကြာ

ပရဟိတအလုပ်တွေကို စွမ်းစွမ်းတမံလုပ်ကိုင်ရင်း ကိုဗစ်ကူးစက်ခံရပြီး ယခုမှာ ရောဂါပျောက်ကင်းသွားပြီဖြစ်တဲ့ မရွှေကြာကတော့ ပြည်သူတွေကို ဆက်လက်ကူညီပေးနေပါတယ်။ မရွှေကြာတစ်ယောက် ပြီးခဲ့တဲ့ရက်ပိုင်းက မြောက်ဒဂုံက သက်ကြီးရွယ်အိုတွေကို သွားရောက်လှူဒါန်းမှုတွေပြုလုပ်ခဲ့ပါတယ်။ သွားရောက်လှူဒါန်းရင်း လေဖြတ်နေတဲ့ အသက်(၈၀)အရွယ် အဘိုးအိုတစ်ယောက်နဲ့ အဘွားအိုတစ်ယောက်ကို မြင်တွေ့ခဲ့ရကာ အဆိုပါအဘွားအိုတို့ဇနီးမောင်နှံကို ပတ်ဝန်းကျင်က ​ ကျွေးမွေးထားရတာ ဖြစ်ပါတယ်။

မရွှေကြာကတော့ အဆိုပါအဘွားအိုတို့ဇနီးမောင်နှံကို နောက်တစ်ကြိမ်သွားရောက် လှူဒါန်းဖို့ ပြင်ဆင်ခဲ့ပါတယ်။အဆိုပါအဘွားအိုတို့ ဇနီးမောင်နှံအတွက် အာဟာရရှိမယ့် အစားအစာလေးတွေ ယူဆောင်ပြီး နောက်တစ်ကြိမ်သွားရောက်လှူဒါန်းချိန်မှာတော့ ဝမ်းနည်းစရာကောင်းတဲ့ အဖြစ်အပျက်လေးနဲ့ ကြုံတွေ့လိုက်ရပါတယ်။ အကြောင်းကတော့ လေဖြတ်နေတဲ့ အဘိုးအိုဟာ ပြီးခဲ့တဲ့ရက်ပိုင်းလေးကမှ ဆုံးပါးကွယ်လွန်သွားခဲ့တာဖြစ်ပြီး အဘွားအိုတစ်ယောက်တည်းသာ ကျန်နေခဲ့တာပဲ ဖြစ်ပါတယ်။

အဘွားအိုကတော့ ခင်ပွန်းဖြစ်သူဆုံးပါးသွားပြီဖြစ်တာကြောင့် ဝယ်ထားတဲ့ ဒိုင်ဘာ(၂)ထုတ် ပြန်ယူသွားပါဆိုပြီး ပြောနေခဲ့ပါတယ်။မရွှေကြာကတော့ အလှူရှင်များကိုယ်စား အစားအသောက်များနဲ့ ငွေကို အဘွားဆီ လှူဒါန်းပေးခဲ့တဲ့အပြင် ဆန်(၆)ပြည်ပါထပ်လှူပေးခဲ့ကြောင်း ဖွင့်ဟထားခဲ့ပါတယ်။ တစ်ယောက်တည်းသာ ကျန်တော့တဲ့ အဘွားအိုအတွက် စားသောက်စရာတွေ၊အားဆေးတွေ စုံစုံလင်လင် လှူဒါန်းပေးနေတဲ့  ပုံရိပ်လေးတွေကို ပြန်လည်ဖော်ပြပေးလိုက်ပြီး အဆိုပါပုံရိပ်လေးတွေကို အောက်မှာကြည့်နိုင်ပါတယ်။

Source : Original Uploder