ကျက်သရေဆောင်အတွင်း ဘီယာများဝိုင်းဖွဲ့သောက်စားနေကြတဲ့ သံဃာတော်များကို ထိုင်းရဲတပ်ဖွဲ့က ဝင်ရောက်ဖမ်းဆီးခဲ့တဲ့ ရုပ်သံ

ဗုဒ္ဓသာသနာတော်ကြီး ထွန်းလင်းတောက်ပဖို့နဲ့ တည်တံကြာရှည်အောင် ဘုရားသားတော် ရဟန်း၊သံဃာတော်တွေက ဗုဒ္ဓရဲ့ ချမှတ်ထားဝိနည်းတော်များနဲ့အညီ သယ်ပိုးထမ်းရွက်ကြတာဖြစ်ပါတယ်။ ယခုနောက်ပိုင်းမှာ တိုးတက်လာတဲ့ ခေတ်နဲ့အညီ တချို့ ရဟန်း၊သံဃာတော်တွေဟာ ဝိနည်းတော်များဖောက်ဖျက်ပြီး သာသနာတော်ကြီးညှိုးနွမ်းအောင် လုပ်ဆောင်လာတာ စိတ်မကောင်းစွာ တွေ့လာရပါတယ်။

သြဂုတ်လ(၂၉)ရက်နေ့ကဆိုရင်လည်း ထိုင်းနိုင်ငံ ချင်းမိုင်မြို့၊ စီဖုမ်းရပ်ကွက်က နာမည်ကြီး 'ပန်ဆောင်း' ဘုန်းကြီးကျောင်းမှာ ကျောင်းထိုင်ဘုန်းကြီးအပါအဝင် သံဃာတော်တွေက ဝိနည်းတော်များဖောက်ဖျက်ပြီး ဝိုင်းဖွဲ့ကာ ဘီယာများသောက်သုံးခဲ့ကြောင်း ကြားသိရပါတယ်။ သံဃာတော်များ ဝိုင်းဖွဲ့သောက်သုံးနေစဥ်အတွင်း ထိုင်းရဲ့တပ်ဖွဲ့က ကျောင်းအတွင်းဝင်ရောက်ဖမ်းဆီးခဲ့တဲ့ ဗီဒီယိုဖိုင်ဟာ ယခုမှာပျံ့နှံ့လာခဲ့ပါတယ်။

အဆိုပါဗီဒီယိုဖိုင်ထဲမှာ ထိုင်းရဲတပ်ဖွဲ့က ဝင်ရောက်ဖမ်းဆီးစဥ်မှာ သံဃာတော်(၆)ပါးနဲ့ ဒကာ(၁)ဦးတို့ဟာ ကျက်သရေဆောင်အတွင်း စားစရာမျိုးစုံဖြင့် ဝိုင်းဖွဲ့ကာ ဘီယာများ သောက်စားနေကြတာ တွေ့ရပါတယ်။ ကြားသိရတဲ့ သတင်းများအရ အဆိုပါသံဃာတော်များကို လက်ရှိမှာ ကိုဗစ်ရောဂါစည်းကမ်းချက်အရပဲ အရင်ဆုံးအရေးယူထားကြောင်း သိရပါတယ်။ ဒီဖြစ်စဥ်နဲ့ ပတ်သက်ပြီး ဗုဒ္ဓဘာသာဝင်တို့အကြား ဝေဖန်မှုတွေရှိပြီး စိတ်မကောင်းဖြစ်ကြတာ တွေ့ရပါတယ်။

သတင်း အရင်းအမြစ်៖ Source - Original Upload