မျက်လှည့်တွေကြည့်ရတာကို လူတော်တော်များ သဘောကျကြိုက်နှစ်သက်ကြပါတယ်။ ဒီလိုကြည့်လို့ ကောင်းစေဖို့အတွက် မျက်လှည့်ဆရာတွေကလည်း အကောင်းဆုံးကြိုးစားကြပါတယ်။ အဲ့လိုကြိုးစားရင်းကနေ ကိုယ့်ရဲ့အသက်ပါပေးခဲ့ရတဲ့ အဖြစ်တွေလည်း ရှိခဲ့ပါတယ်။ အခုပြောပြမယ့် အကြောင်းကလည်း မျက်လှည့်ပြကွက်တစ်ခုအတွက် အသက်ကိုအလောင်းအစားလုပ်ပြီး ပေးခဲ့ရတဲ့ မျက်လှည့်ဆရာအကြောင်းပဲဖြစ်ပါတယ်။
သူ့နာမည်ကတော့ Joseph Burrus ပဲဖြစ်ကာ ၁၉၈၀ကျော်ဝန်းကျင်မှာဆိုရင် သူဟာ အမေရိကန်ရဲ့ နာမည်ကြီးမျက်လှည့်ဆရာတစ်ယောက်အဖြစ် မှတ်တမ်းဝင်ခဲ့ဖူးပါတယ်။ ဒါ့ကြောင့်လည်း သူဟာ မျက်လှည့်ပြကွက်ပေါင်းများစွာနဲ့ ထင်ရှားလာတဲ့ သူတစ်ယောက် ဖြစ်ခဲ့ပါတယ်။သူရဲ့ နာမည်ကျော်ပြကွက် တစ်ခုကတော့ မြေမြှုပ်ထားရာကနေ လွတ်အောင်ရုန်းပြတဲ့ မျက်လှည့်ပြကွက်ပဲဖြစ်ပါတယ်။ အဲ့အချိန်အဲ့ အခါတုန်းကတော့ အရမ်းကိုခေတ်စားခဲ့တဲ့ပြကွက်တစ်ခုပါပဲ။
ဲဒါပေမယ့်လည်း ၁၉၉၀ အောက်တိုဘာလ (၃၀)ရက်နေ့က အမေရိကန်နိုင်ငံ ကယ်လီဖိုးနီယားပြည်နယ်မှာ ပြုလုပ်တဲ့ မျက်လှည့်ပြပွဲမှာ ဂျိုးတစ်ယောက်ကံဆိုးခဲ့ပါတယ်။ သူ့ရဲ့ အကျွမ်းကျင်ဆုံးအရာက သူ့ကိုပြန်သတ်တယ်လို့တောင် ပြောရမှာပါပဲ။ ဖြစ်ပုံမှာ ဂျိုးဟာ သူ့ရဲ့လက်တွေခြေတွေကိုသံကြိုးနဲ့ချည် မှန်အခေါင်းထဲထည့်ကာ သူ့ကိုမြေမြုပ်ခုိင်းပြီး မျက်လှည့်ပြဖို့ ပြုလုပ်ခဲ့ပါတယ်။ ဒါပေမယ့် စိတ်မကောင်းစွာပဲ အခေါင်းထဲကကော မြေမြှုပ်ထားခဲ့တဲ့နေရာကပါ ဂျိုးတစ်ယောက်ပြန်မထွက်လာနိုင်ပဲ လူထုရှေ့မှာတင်သေဆုံးသွားခဲ့ရပါတယ်။
သတင်း အရင်းအမြစ်៖ Wikidata