ပရိသတ်တွေအနေနဲ့လည်း ဒီမေးခွန်းရဲ့အဖြေကို သိချင်ကြမှာပါ။ အဲ့လို ငါးတွေရေသောက်လား မသောက်လားမေးတဲ့လူကို ပြန်မေးရမယ့် မေးခွန်းက " ရေချိုငါးလား...ရေငန်ငါးလား " ဆိုပြီးပဲဖြစ်ပါတယ်။ သူတို့အနေနဲ့လည်း မသိဘူးလေဆိုပြီပဲ ပြန်ဖြေပါလိမ့်မယ်။ ဒါ့ကြောင့်လည်း ပညာရှင်တွေက အဲ့မေးခွန်းကို သေသေချာချာ ကျကျနန ပြန်ဖြေပေးထားကြပါတယ်။ သာမန်လူတွေအနေနဲ့လည်း စဉ်းစားနိုင်ကြမှာ မဟုတ်လောက်ပါဘူး။
အဖြေတစ်ခုလုံးကတော့ ငါးရဲ့အမျိုးအစားအပေါ်မူတည်ပါတယ်။ ဘာကြောင့်လဲဆိုတော့ Osmosis ဆိုတဲ့အရာကြောင့်ပဲဖြစ်ပါတယ်။ အဲ့အကြောင်းအရာကို Bio ကျောင်းသားတွေ တော်တော်များများ သင်ကြားခဲ့ဖူးကြပါလိမ့်မယ်။ အဲ့အကြောင်းအရာကြောင့် ငါးတွေ ရေသောက်လားဆိုတဲ့ မေးခွန်းအဖြေက မူတည်သွားတာဖြစ်ပါတယ်။
ရေချိုငါးတွေထဲမှာဆိုရင် ဆားပါဝင်မှုဟာ ရိုးရိုးရေထက်ပိုများပါတယ်။ အဲ့တော့ သူတို့ရဲ့ခန္ဓာကိုယ်က ရေတွေကို စုပ်ယူကြပါတယ်။ သူတို့က ရေစုပ်တာပဲရှိတာမို့ ရေသောက်တယ်လို့ ပြောလို့မရပါဘူး။ ရေငန်ငါးတွေကတော့ ရေချိုငါးတွေနဲ့ပြောင်းပြန်ပါ။ အဲ့တာကြောင့်သူတို့မှာ ဆားပါဝင်မှုနည်းပါတယ်။ ဒါ့ကြောင့်ရေငန်ငါးတွေက လူသားတွေ ရေဓာတ်ကိုပြန်ဖြည့်သလို သူတို့လည်း ရေတွေကို သောက်ကြရပါတယ်။ လူသားတွေနဲ့မတူရတဲ့အကြောင်းတစ်ခုကတော့ သူတို့က ရေထဲကဆားတွေကို စစ်ထုတ်နိုင်ပါတယ်။
သတင်း အရင်းအမြစ်៖ Did you know