ယခုလက်ရှိအချိန်မှာ နည်းပညာတွေ ဟာ တဟုန်ထိုး တိုးတက်လာတာနဲ့ အမျှ စက်ရုပ်တွေရဲ့ လုပ်ဆောင်နိုင်စွမ်းတွေဟာလည်း တဖြည်း ဖြည်း ကျယ်ပြန့်လာတာကို တွေ့ရပါတယ်။ ပရိသတ်ကြီးအတွက် အခုတစ်ခါ ဖော်ပြပေးချင်တာကတော့ လူသားရဲ့ မျက်လုံးကိုစက်ရုပ်က အောင်မြင်စွာ ခွဲစိတ်ပေးသွားနိုင်တဲ့ အကြောင်းပဲ ဖြစ်ပါတယ်။
အမေရိကန် အခြေစိုက် အောက်စဖို့ဒ် တက္ကသိုလ်မှ John Radcliffe Hospital ကနေ ပထမဆုံး အနေနဲ့ လူသား မျက်လုံးများကို စက်ရုပ်ဖြင့် အောင်မြင်စွာ ခွဲစိတ်ကုသပေးနိုင် ခဲ့ပါတယ်။ ဒီစက်ရုပ်တွေကိုတော့ နယ်သာလန် အခြေစိုက် ကျန်းမာရေးသုံး စက်ရုပ်တွေ ကို တီထွင် ဖန်တီးပေးနေတဲ့ Preceyes က ဖန်တီးထားတဲ့ စက်ရုပ်ဖြစ်ပြီး စက်ရုပ်ဟာ မျက်လုံးရဲ့ အနောက်ဘက်မှ အမြှေးပါး ဖယ်ရှားခြင်းကို ပြုလုပ်ခဲ့ရပါတယ်။
အဆိုပါ ခွဲစိတ်မှုဟာ ဆရာဝန်တွေ ကိုယ်တိုင် ခွဲစိတ်ရင် တစ်မိနစ်နဲ့ ၂၀ စက္ကန့်သာ ကြာမြင့် ပေမယ့် စက်ရုပ်ကတော့ အချိန်ပိုကြာပြီး ၄ မိနစ်နဲ့ ၅၅ စက္ကန့် အချိန်ယူခဲ့ရပါ တယ်။ အဆိုပါ ခွဲစိတ်မှုဟာ စက်ရုပ်တွေ ရဲ့ အနာဂတ် ဆေးပညာပိုင်းမှာ ပိုပီး အထောက်အကူ ပေးနိုင်မယ့် လမ်းစ တစ်ခု ဖြစ်ပြီး နောက်ပိုင်းမှာ စက်ရုပ်တွေရဲ့ အခန်း ကဏ္ဍဟာ ဘယ်လောက်အထိ အရေးပါနိုင်မလဲ ဆိုတာ စောင့်ကြည့်ချင်စရာ ကောင်းလှပါတယ်။
သတင်း အရင်းအမြစ်៖ Cracked