ပရိသတ်ကြီးကို ဒီတစ်ခါတင်ဆက်ပေးမှာကတော့ ပျားပြီးသူတစ်ယောက်အဖြစ် စံချိန်ချိုးခဲ့တဲ့ သူအကြောင်းပဲဖြစ်ပါတယ်။ သူကတော့ ပျားမွေးမြူရေးလုပ်ကိုင်ပြီး တရုတ်နိုင်ငံ ချုံချင့်မြို့မှာ နေထိုင်သူဖြစ်တဲ့ ရှီပင်းဆိုသူပဲဖြစ်ပါတယ်။ သူဟာ သူရဲ့ ခန္ဓာကိုယ်ပေါ်မှာ ပျားတွေကို ဖုံးအုပ်ပြီး ကမ္ဘာ့စံချိန်ကို ချိုးဖောက်နိုင်ခဲ့ပါတယ်။
ကမ္ဘာ့စံချိန်ကိုချိုးဖောက်နိုင်ရန်အတွက် သူ့ကိုယ်ပေါ်မှာ အလေးချိန် ကီလိုဂရမ် ၃၃.၁ ရှိတဲ့ ပျားတွေကို တစ်ကိုယ်လုံး အနှံ့ဖုံးအုပ်ပြခဲ့ပါတယ်။ ပျားကောင်ရေကတော့ ပျမ်းမျှခြေ ၃သိန်း၃သောင်း၁ထောင်ရှိတယ်လို့ ဆိုပါတယ်။ ပရိသတ်ကြီးရေ တကယ့်ကို ကြက်သီးထစရာ လူသားပါပဲ။
ရှီပင်းဟာဆိုရင် အရင်၂၀၀၈ခုနှစ်က ပျားပြီသူအဖြစ် ကမ္ဘာ့စံချိန်တင်ခဲ့ဖူးတဲ့ ရုအန်းလိုင်မင်း ဆိုသူရဲ့ စံချိန်ကို ချိုးနိုင်ခဲ့ပါတယ်။ ရုအန်းလိုင်မင်းရဲ့ ကိုယ်ပေါ်အနှံ့မှာ ဖုံးအုပ်လွှမ်းခြုံထားတဲ့ ပျားအလေးချိန်ဟာဆိုရင်တော့ ၂၆.၈ ကီလိုဂရမ်ပဲဖြစ်ပါတယ်။ တကယ့်ကို အံ့ဖွယ် ထူးခြားတဲ့လူတွေလို့ပြောရင် မှားမယ်မထင်ပါဘူး။
သတင်း အရင်းအမြစ်៖ Guinness world records