ထိုင်း-မြန်မာ နယ်စပ်တနေရာမှာ အောက်ဆီဂျင်အိုး အမြောက်အများနဲ့ Mask အရေအတွက်သိန်းကျော် စစ်ဆေးဖမ်းဆီးခံခဲ့ရတဲ့ ဖြစ်ရပ်

ပြီးခဲ့တဲ့ ရက်ပိုင်းတွေကတည်းက ထိုင်းမြန်မာနယ်စပ်နေရာတွေမှာ ကျန်းမာရေးပစ္စည်းတွေကို ဖမ်းဆီးစစ်ဆေးမှုတွေ ပြုလုပ်နေတာဖြစ်ပြီး တော်တော်များများဟာ သိမ်းဆည်းဖမ်းဆီးခံနေရပါတယ်..။

မြန်မာနိုင်ငံအတွင်း ပို့ဆောင်မယ့် အောက်ဆီဂျင်အိုးတွေနဲဲ့ ဆေးဝါးတွေအပြင် Mask တွေကို တရားမဝင်တင်ပို့မှုတွေကို ထိုင်းအစိုးရက ဖမ်းဆီးနေတာ ဖြစ်ပါတယ်..။

ဇူလိုင်လ (၂၂)ရက်နေ့ကလည်း ပရာကျွန်ခရိုင်၊ ခလောင်ဝမ်ကျေးရွာအုပ်၊ ဒန်စီခွန်နယ်စပ် မှ မြိတ်ခရိုင်၊ တနင်္သာမြို့နယ်၊ မောတောင်နယ်စပ် သို့ တရားမဝင် ​မှောင်ခိုတင်သွင်းတဲ့ Mask များကို နယ်စပ်စောင့်ရှောက်ထိန်းသိမ်းရေး တပ်ရင်း​ဗိုလ်မှူးကြီးနဲ့ နယ်စပ်အခွန်ကောက်အရာရှိများအပါဝင် ထိုင်းစစ်သားများ ပူးပေါင်းစစ်ဆေးဖမ်းစီးခဲ့ကြပါတယ်..။

Mask များကို တရားမဝင်တင်လာတဲ့ကားဟာ အပေါ်ယံမှာ သစ်သီးတွေကို ပလပ်စတစ်အိပ်များနဲ့ထုပ်ပြီးဖုံးထားတဲ့အတွက် မသင်္ကာလို့စစ်ဆေးခဲ့ရာ စက္ကူဖာများမှာ ကျန်းမာရေး Mask မြောက်များစွာကို တွေ့ရတာကြောင့် သယ်ဆောင်လာသူ ကားသမားကို ဖမ်းဆီးခဲ့ကြတာ တွေ့ရပါတယ်..။

ထိုင်းနိုင်ငံမှာ (၂၀၁၇)ခုနှစ်က ထုတ်ထားတဲ့ အမိန့် ဥပဒေပုဒ်မ (၁၆၇) အရ ထိန်းသိမ်းထိန်းချူပ်ပစ္စည်းများအဖြစ် သတ်မှတ်ထားတဲ့ ကျန်းမာရေးသုံးပစ္စည်းများအားလုံးကို နိုင်ငံအတွင်းလုံလောက်စွာသုံးနိုင်ဖို့အတွက် တဖက်နိုင်ငံခြားသို့ မပို့ဆောင်/မတင်သွင်း မရောင်းချရန် တားဆီးထားခြင်းကြောင့် ဥပဒေနဲ့အညီ ဖမ်းဆီးခဲ့တာ ဖြစ်ပါတယ်..။

ဖမ်းစီးရမိသည့် Mask အရေတွက်နဲ့ အမျိုးစားများမှာ ကိုရီးယား mask KF94 ကလေးလူကြီးပေါင်း တစ်ဖာကိုအထုပ်(၁၀၀)ပါ (၄၄)ဖာနဲ့ ရိုးရိုးသုံးလွှာ Mask (၁၇)ဖာ ဖြစ်ပြီး စုစုပေါင်း (၆၁) ဖာ ဖမ်းဆီးရမိခဲ့တယ်လို့ သိရပါတယ်..။