ပြည်သူတွေကတော့ နိုင်ငံရေးမတည်ငြိမ်မှုတွေအပြင် ကိုဗစ်ရောဂါတွေကြောင့်လည်း ပင်ပန်းဆင်းရဲမှုတွေ အမျိုးမျိုးကို ခါးစည်းရင်ဆိုင်နေကြရတာ ဖြစ်ပါတယ်..။
ပြည်တွင်းရေးအကြမ်းဖက်မှုတွေကြောင့် ပြည်သူတွေ အသက်ဆုံးရှုံးခဲ့ကြရသလို ကပ်ရောဂါဆိုးကြောင့်လည်း နေ့စဉ်သေဆုံးနေကြရတာ မနည်းပါဘူး..။
ဆေးဝါးကုသမှုတွေ လုံလောက်အောင် မရနိုင်တဲ့အပြင် အောက်ဆီဂျင်ပြတ်လပ်မှုတွေနဲ့ သေဆုံးနေကြရတဲ့ လူသေအလောင်းတွေဟာ တနေ့ တနေ့ အရေအတွက် မခန့်မှန်းနိုင်လောက်အောင်ပါပဲ..။
ကိုဗစ်ရောဂါနဲ့ နေ့စဉ်နဲ့အမျှ သေဆုံးသူတွေများပြားလွန်းတဲ့အတွက် အလောင်းသယ်ယူဖို့အတွက် လူနာတင်ကား နိဗ္ဗာန်ယာဉ်ကားတွေ မလုံလောက်တော့ဘဲ ကြုံသလို သယ်ယူနေကြရတာလည်း ရှိနေပါတယ်..။
ဆိုင်ကယ်၊ ဆိုက်ကားတွေအပြင် သုံးဘီးကား၊ ထော်လာဂျီတွေနဲ့ပါ သယ်ယူနေရပြီး အလောင်းသဂြိုလ်ဖို့အတွက်ကိုလည်း တန်းစီစောင့်ဆိုင်းနေကြရတာဟာ တကယ်ကို ရင်နာစရာကောင်းလွန်းပါတယ်..။
လက်ရှိအခြေအနေတွေဟာ တနေ့တခြား ပိုပိုပြီး ဆိုးရွားလာတာကြောင့် ပြည်သူတွေအနေနဲ့ ကျန်းမာရေးကို အထူး ဂရုစိုက်ပြီး သွားလာနေထိုင်ကာ အစားများများပြီး အားပြည့်အောင် နေထိုင်ကြဖို့ တ်ုက်တွန်းလိုက်ပါတယ်နော်..။