ဒီကာလတွေမှာ ကြုံတွေ့နေရတဲ့ အခက်အခဲတွေကို ပြည်သူအချင်းချင်း မကြည့်ရက်လို့ ကိုယ်တတ်နိုင်တဲ့ နေရာတွေကနေ ကူညီဖေးမလျက်ရှိကြပါတယ် ။ နိုင်ငံရေး အခြေအနေတွေရော ၊ ကိုဗစ်ရောဂါဖြစ်ပွားမှုတွေရော ဆုံသွားတာကြောင့် အတော်လေး အဆင်မပြေကြတဲ့ ပြည်သူတွေ နေရာတိုင်းမှာ များစွာရှိနေပါတယ် ။ လက်လုပ်လက်စား ပြည်သူတွေဆို ပိုလို့တောင် စားဝတ်နေရေး အခက်အခဲတွေကို ကြုံတွေ့နေရပါတယ် ။
ဒီလို အခြေအနေတွေမှာ တစ်ချို့တွေက အခွင့်ကောင်းယူကာ ကုန်ဈေးနှုန်းတွေ ၊ ဆေးဝါတွေကို မတန်တဆတွေတင်ကာ ရောင်းချနေကြတာကို စိတ်မချမ်းမြေ့စွာတွေ့ရပါတယ် ။ ဒါမျိုးက မဖြစ်သင့်သလို မလုပ်သင့်တဲ့ အရာတွေပါ ။ ဒီလို အတ္တသမားတွေကြောင့် ခုဆို တကယ်ကို စာနာစိတ်အပြည့်ရှိတဲ့ စေတနာရှင်ပြည်သူတွေ ပူးပေါင်းပြီး လှူဒါန်းမှုတွေ နေရာ အစုံမှာ ပြုလုပ်လာကြပါတယ် ။
အခုလည်း အဆမတန် ဈေးတက်နေတဲ့ ကြက်ဥတွေကြောင့် ဝယ်မစားနိုင်တဲ့ ပြည်သူတွေ များစွာရှိနေမှာပါ ။ ဒါ့ကြောင့် ပြည်သူတစ်ဦးက မနက်ဖန်ကစပြီး လူတစ်ဦးကို ကြက်ဥ ငါးလုံးစီ ဝေမယ့်အကြာင်းလေး ဖော်ပြလာပါတယ် ။ ဝေပေးမယ့်နေရာက ရန်ကုန်မှာဖြစ်ပြီး လိပ်စာအပြည့်အစုံကတော့ " နေ့လည် ၁ နာရီမှာ Suzuki KL Seven ရွာမကွေ့ Showroom ရှေ့ " မှာလို့ သိရပါတယ် ။ လိုအပ်သူတိုင်း လာရောက်ယူဆောင်နိုင်ရန် ရည်ရွယ်ကာ ပြန်လည်ဝေမျှပေးရင်း အလှူရှင်လည်း ဒီထက်မက လှူနိုင်ပါစေ ဆုတောင်းပေးလိုက်ပါတယ် ။