နှလုံးရောဂါအခံရှိပြီး ကိုဗစ်ကူးစက်ခံခဲ့ရပေမယ့် ခိုင်မာတဲ့စိတ်ဓာတ်ကြောင့် နေပြန်ကောင်းလာပြီဖြစ်တဲ့ စာရေးဆရာမကြီးဗိုလ်ချိုမြေတင်တင်ဝင်း

ကိုဗစ်ရောဂါကူးစက်မှုဒဏ်ကို မြန်မာပြည်သူတွေဟာ အလူးအလဲခံစားနေရပြီး ရောဂါကူးစက်ခံရရင်း သေဆုံးသွားသူတွေလည်းရှိသလို တစ်ဖက်မှာလည်း စိတ်ဓာတ်ခိုင်ခိုင်မာမာနဲ့ ကိုဗစ်ရောဂါကိုတိုက်ထုတ်ကာ ပျောက်ကင်းသွားတဲ့ ပြည်သူတွေလည်းရှိကြပါတယ်။ ဆောင်းပါးတွေကို ရေးသားခဲ့တဲ့စာရေးဆရာမကြီးဗိုလ်ချိုမြေတင်တင်ဝင်းဟာလည်း ကိုဗစ်ရောဂါကူးစက်မှုကိုခံခဲ့ရပါတယ်။ ယခုမှာတော့ အဆုတ်နဲ့နှလုံး ရောဂါအခံရှိပြီး အသက်(၇၇)နှစ်အရွယ်ရှိပြီဖြစ်တဲ့ စာရေးဆရာမကြီး ဗိုလ်ချိုမြေတင်တင်ဝင်းဟာ ကိုဗစ်ရောဂါကို အောင်မြင်စွာကျော်ဖြတ်နိုင်ခဲ့ကြောင်း သိရှိရပါတယ်။

စာရေးဆရာမကြီးရဲ့သားဖြစ်သူ ကတော့ မိခင်ဖြစ်သူဒေါ်တင်တင်ဝင်းတစ်ယောက် ကျန်းမာရေးပြန်လည်ကောင်းမွန်လာပြီဖြစ်တဲ့အကြောင်း ပြည်သူတွေကို အသိပေးလာခဲ့တာဖြစ်ပါတယ်။ ဆရာမကြီးဟာ အောက်ဆီဂျင်ရှူရတဲ့အထိဖြစ်ခဲ့ပေမယ့် ယခုမှာတော့ သူ့ဘာသာသူအသက်ရှူလေ့ကျင့်ခန်းလုပ်နိုင်တဲ့အထိ ကျန်းမာရေးပြန်လည်ကောင်းမွန်လာတာဖြစ်ပါတယ်။ ဆရာမကြီးဒေါ်တင်တင်ဝင်းဟာ သူကိုယ့်သူအရမ်းဂရုစိုက်သလို တစ်ခုခုဖြစ်တာနဲ့သားဖြစ်သူရဲ့ ပြောစကားအတိုင်း တသွေမသိမ်းနားထောင်ပြီး ဆေးသောက်တာ၊အစာစားတာတွေပြုလုပ်လေ့ရှိတာဖြစ်ပါတယ်။

ကိုဗစ်ရောဂါကူးစက်ခံခဲ့ရတဲ့ (၁၂)ရက်တာကာလကို အောင်မြင်စွာဖြတ်ကျော်နိုင်ခဲ့ပြီး နေပြန်ကောင်းလာတဲ့ ဆရာမကြီးဗိုလ်ချိုမြေတင်တင်ဝင်းအတွက် ပြည်သူတွေက ဝမ်းသာနေကြပါတယ်။ ဆရာမကြီးရဲ့သားဖြစ်သူကတော့ " ကျွန်တော့်အမေလို ရောဂါအခံရှိပြီး အသက်အရွယ်ကြီးတဲ့ အဖွားအိုတောင် ဂရုတစိုက်နဲ့ သတ္တိရှိရှိ ကိုဗစ်ကို ကြံ့ကြံ့ခံ ရင်ဆိုင်နိုင်ရင် ကျွန်တော်တို့တတွေ အောက်စီဂျင် အကူအညီ ယူရတဲ့ အဆင့်အထိ မရောက်အောင် ဂရုပြုပြီး ရဲရဲဝံ့ဝံ့ ရင်ဆိုင်ကျော်လွှားကြပါစို့ဗျာ "ဆိုပြီး စိတ်ဓာတ်ကျနေသူတွေကို အားပေးစကားပြောဆိုထားတာတွေ့ရပါတယ်။ ကိုဗစ်ရောဂါကူးစက်ခံရပေမယ့် နေပြန်ကောင်းလာပြီဖြစ်တဲ့ စာရေးဆရာမကြီးဗိုလ်ချိုမြေတင်တင်ဝင်းရဲ့ ပုံရိပ်လေးတွေကို ပြန်လည်ဖော်ပြပေးလိုက်ရပါတယ်။

Source:  Original Uploder