ယောက်ျားလေး(၄)ယောက်က ဓားထောက်ပြီး လုယက်နေတာကို လမ်းသွားလမ်းလာတွေမကူညီခဲ့လို့ ပစ္စည်းတွေအကုန်ပါသွားခဲ့ရတဲ့ မိန်းကလေးတစ်ဦးရဲ့ဖြစ်ရပ်

လက်ရှိအခြေအနေမှာတော့ တချို့မသမာသူတွေက နိုင်ငံရေးမတည်ငြိမ်သေးတာကို အကြောင်းပြုပြီး ပြည်သူတွေဆီကနေ ခိုးဆိုးလုယက်နေကြတာဖြစ်ပါတယ်။မန္တလေးမြို့မှာဆိုရင် အိမ်တွေထဲကို လူအုပ်လိုက်ဝင်ပြီး ဆိုင်ကယ်တွေဝင်ခိုးနေကြသလို လူပြတ်တဲ့နေရာတွေမှာလည်း လုယက်နေတာနဲ့ ကြုံတွေ့နေတာဖြစ်ပါတယ်။မနေ့ကဆိုရင်လည်း မန္တလေးမြို့မှာနေထိုင်ထဲ မိန်းကလေးတစ်ဦးက (၇၈)လမ်း၊ကျွဲဆည်ကန်(၁)လမ်းဘက်ကို ညနေ့(၃)နာရီခွဲလောက်က သွားခဲ့တာဖြစ်ပါတယ်။

မိန်းကလေးကတော့ အဖော်တစ်ယောက်နဲ့အတူ Scoppy အနက်ရောင်လေးစီးပြီး ထွက်သွားခဲ့ရာမှ ဆိုင်တစ်ဆိုင်ရှေ့အရောက်မှာ ဓားထောက်အလုခံရတာဖြစ်ပါတယ်။လုတဲ့သူတွေက ယောက်ျားလေး (၄)ယောက် ဖြစ်ပြီး သူမကိုလမ်းနံပါတ်မေးသလိုနဲ့ ဓားထောက်ထားခဲ့တယ်လို့သိရပါတယ်။အဲ့ဒီနားမှာ လမ်းသွားလမ်းလာပြည်သူတွေလည်းရှိပေမယ့် သူမတို့ဖြစ်ပျက်နေတဲ့အခြေအနေကို ဘယ်သူမှဝင်မကူညီကြဘူးလို့ စာထဲမှာ ရေးသားထားတာဖြစ်ပါတယ်။

မိန်းကလေးစီးလာတဲ့ ဆိုင်ကယ်ကိုလည်း လုယက်သွားတဲ့အပြင် ပိုက်ဆံအိတ်၊မှတ်ပုံတင်၊လိုင်စင်တွေပါ အကုန်ပါသွားခဲ့တာဖြစ်ပါတယ်။အဲ့ဒီနားတစ်ဝိုက်မှာ လာရောင်းတဲ့သူများရှိခဲ့ရင် သူမကို ဆက်သွယ်ပေးဖို့အတွက်(09986324544)(09963486778) တောင်းဆိုလာတာဖြစ်ပါတယ်။ဒီလိုအခြေအနေမှာ ပြည်သူတွေအနေနဲ့လည်း လမ်းပေါ်ထွက်ရင် သတိဝီရိယလေးထားပြီး ဂရုစိုက်ကြပါလို့ မှာကြားရင်း ဒီအဖြစ်အပျက်လေးကိုပြန်လည်မျှဝေပေးလိုက်ပါတယ်။

Source&Photo Credit:Original Uploder