အပုပ်နံရလို့ နေအိမ်ထဲကို ခက်ခက်ခဲခဲ ဝင်ရောက်ကြည့်တဲ့အခါ အခန်းထဲမှာ တစ်ဦးတည်းပုပ်ပွသေဆုံးနေတဲ့ စမ်းချောင်းမြို့နယ်က ရင်နင့်စရာအဖြစ်

လတ်တလောမှာ မြန်မာပြည်သူတွေကတော့ တစ်ကျော့ပြန် ဖြစ်ပွားလာခဲ့တဲ့ ဗီဇပြောင်းကိုဗစ်ရောဂါကို ဆိုးဆိုးရွားရွား ခံစားနေရရှာပါတယ်။ တစ်နေ့တခြား ကူးစက်မှုတွေများလာတာနဲ့အမျှ ကိုဗစ်ရောဂါကြောင့် သေဆုံးအရေအတွက်ကလည်း စံချိန်တင်လောက်အောင် များလာခဲ့ပါတယ်။ အရင်လို ပြည်သူတွေကို ကျန်းမာရေးစောင့်ရှောက်ပေးမှုတွေ လုံလုံလောက်လောက် မပေးနိုင်ခဲ့တဲ့ အခြေအနေတွေကြောင့် နေအိမ်တွေမှာပဲ အများဆုံးကုသနေကြရရှာပါတယ်။

ဒီလိုကုသနေရင်းနဲ့လည်း ချစ်ရတဲ့သူတွေ မျက်စိအောက်မှာပဲ ဆုံးပါးနေကြသလို တချို့မှာလည်း နေအိမ်တွေမှာ လူမသိသူမသိ သေဆုံးနေကြတဲ့ သတင်းတွေကလည်း လူမှုကွန်ယက်ပေါ် မှာ နေ့စဉ်အမျှ စိတ်မကောင်းစွာနဲ့ တွေ့မြင်ကြားသိနေရပါတယ်။ ယမန်နေ့က ဆိုရင်လည်း ရန်ကုန်တိုင်းဒေသကြီး ၊ စမ်းချောင်းမြို့နယ်မှာ မြင်ရသူတွေအဖို့ ရင်နင့်ကြွေကွဲစရာ ဗီဒီယိုတစ်ခုကလည်း လူမှုကွန်ယက်မှာ ပျံ့နှံ့လာတာတွေ့ရပါတယ်။

ဒီ ဗီဒီယိုလေးကတော့ စမ်းချောင်းမြို့နယ်၊ ပန်းတနော်လမ်းထဲက နေအိမ်တစ်အိမ်မှာ ဆိုးဆိုးရွားရွား အပုပ်အနံတွေထွက်ရှိနေတာကြောင့် ပတ်ဝန်းကျင်က ပြည်သူတွေက စမ်းချောင်းအရန်မီးသတ်တပ်ဖွဲ့ကို အကူညီတောင်းပြီး ခက်ခက်ခဲခဲ ဝင်ရောက်ကြည့်တဲ့အခါမှာ အမျိုးသားတစ်ဦးဟာ အခန်းထဲမှာပဲ ပုပ်ပွသေဆုံးနေတာကို တွေ့ရပါတယ်။ ဒီအိမ်မှာတော့ အဆိုပါသေဆုံးနေတဲ့ အမျိုးသားတစ်ဦးတည်းသာ နေထိုင်တာဖြစ်တယ်လို့လည်း ကြားသိရပါတယ်။  

(ဗီဒီယို ကြည့်ရန်အတွက် အောက်ပါ link ကို ပုံထဲက အတိုင်း Select ပေးပြီး Facebook (သို့မဟုတ်) Browser ဆိုတဲ့စကားလုံးကို နှိပ်၍ ကြည့်ရှု့နိုင်ပါသည်)

https://www.facebook.com/100053050661864/videos/1405958023123392/

သတင်း အရင်းအမြစ်៖ VideoCredit &Source - Original Upload