သစ်သီးတော်တော်များများကိုတော့ ဆေးအဖြစ် ဒါမှမဟုတ် စားသုံးဖို့အတွက် နည်းအမျိုးမျိုးနဲ့ အသုံးပြုကြပေမယ့် အသီးအကုန်လုံးကိုတော့ အသုံးပြုလို့မရပါဘူး။ စားသုံးလိုက်ရင် အဆိပ်အတောက်တွေဖြစ်စေနိုင်တဲ့အသီးတွေရှိသလို လူတွေကို ဒုက္ခများစွာရောက်စေတဲ့ အသီးတွေလည်း ရှိပါတယ်။ ဒီတစ်ခေါက်မှာဆိုရင်တော့ စားတာနဲ့ လူတွေကို သေရွာပို့ပေးနိုင်တဲ့ ထူးဆန်းတဲ့ သစ်သီးအကြောင်းကိုဖော်ပြပေးချင်ပါတယ်။
ဒီအသီးရဲ့ပုံစံကိုကြည့်လိုက်ရင်တော့ အသီးဟာစားလို့ကောင်းမယ့်အသီးလို့ထင်ရပေမယ့် တစ်ကိုက်စားမိရင် အန္တရယ်ဖြစ်စေနိုင်မယ့် အဆိပ်တွေက အသီးအတွင်းမှာပြည့်နှက်နေတယ်လို့ သိရပါတယ်။ အဲဒီသစ်ပင်ရဲ့အမည်ကတော့ Manchineel ဖြစ်ပြီး တစ်နည်းအားဖြင့် Poison Guava လို့လည်းခေါ်ပါတယ်။ ဒီအပင်တွေကိုတော့ အမေရိကန်ရဲ့ ဖလော်ရီဒါ ၊ ဘမားမတ် ၊ မက္ကဆီကို နဲ့ တောင်အမေရိကနိုင်ငံအချို့မှာ အများဆုံးတွေ့ရလေ့ရှိပါတယ်။
တောင်အမေရိကမှာတော့ ဒီအပင်ကို “Tree of Death” သေမင်းတမန်သစ်ပင် လို့လူသိများပါတယ်။ ကမ္ဘာကျော် ရေကြောင်းခရီးသွားလာသူ ကိုလံဘတ် နဲ့ သူ့ရဲ့သင်္ဘောသားတွေလာရောက်ခဲ့တဲ့ အချိန်တည်းက ဒီအပင်ကို သိခဲ့ကြပါတယ်။ စားမိသူတချို့သေဆုံးခဲ့တဲ့အတွက် သူ့ရဲ့မှတ်တမ်းထဲမှာ ဒီအပင်ကို သေစေတဲ့ပန်းသီးငယ် (little apple of death) လို့ မှတ်တမ်းတင်ထားခဲ့ပါတယ်။ နာမည်ကြီး စပိန်လူမျိုးနယ်မြေချဲ့ထွင်သူတစ်ဦးဖြစ်တဲ့ Juan Ponce de León ဟာ ဒီအဆိပ်သုတ်လိမ်းထားတဲ့ မြှားကြောင့် သေဆုံးခဲ့တာပဲဖြစ်ပါတယ်။ ဒါ့ကြောင့် ဒီအပင်တွေကို လူတွေထိတွေ့ကိုင်တွယ်ဖို့ တားမြစ်ထားပြီး အန္တရာယ်ရှိတဲ့အပင်အဖြစ် သတ်မှတ်ထားကြပါတယ်။
သတင်း အရင်းအမြစ်៖ Nature World