နောက်ဆုံးအချိန်ထိ အသက်ရှင်ဖို့ Volunteersတွေက ကြိုးစားပေးခဲ့သော်လည်း ပျံလွန်တော်မူသွားရှာတဲ့ ဂျလန်းကျွန်းဆရာတော်ဘုရားကြီးရဲ့ ဗီဒီယို

ကိုဗစ်တတိယလှိုင်းဒဏ်ကို မြန်မာပြည်သူတွေအပြင် သံယာတော်အများအပြားလည်းခံစားနေရပြီး ကိုဗစ်ရောဂါကူးစက်မှုကြောင့် ဘုန်းတော်ကြီးတစ်ချို့ ပျံလွန်တော်မူသွားခဲ့ပါတယ်။ Julyလ(21)ရက်နေ့ ယနေ့နေ့လည်မှာတော့ ဂျလန်းကျွန်း ဆလုံသာသနာပြု ဆရာတော် အရှင်ကုသလဇောတိဟာ ကိုဗစ်ရောဂါကြောင့် ဆေးကုသမှုခံယူရင်း ပျံလွန်တော်မူသွားခဲ့ပါတယ်။ဂျလန်းကျွန်းဆရာတော်ဘုရားကြီးဟာ ကိုဗစ်ရောဂါကူးစက်မှုကြောင့် အသက်ရှူမဝဖြစ်ပြီး ကံကုန်သွားခဲ့ကာ ဗုဒ္ဓဘာသာရဲ့ကြယ်တစ်ပွင့်ဆုံးရှုံးသွားခဲ့ရပါတယ်။

ဂျလန်းကျွန်းဆရာတော်ဘုရားကြီးဟာ Julyလ(5)ရက်နေ့က ကိုဗစ်ရောဂါကူးစက်ခံခဲ့ရလို့ အောက်ဆီဂျင်ပေးထားရပြီး ဒါယကာတွေက ပြုစုပေးနေရင်း အခုလိုကံကုန်တော်မူသွားခဲ့တာဖြစ်ပါတယ်။ ဆရာတော်အရှင်ကုသလဇောတိဟာ ဗုဒ္ဓဘာသာပြန့်ပွားအောင် အစွမ်းကုန်ကြိုးစားပေးခဲ့တဲ့ ဘုန်းတော်ကြီးတစ်ပါးဖြစ်ပြီး မြိတ်မြို့က ပြည်သူအများအပြားရဲ့ လေးစားကြည်ညိုခြင်းကို ခံထားသူဖြစ်ပါတယ်။ ဂျလန်းကျွန်းဆရာတော်ကြီးဟာ လူသူဝေးလံတဲ့အရပ်ဒေသကပြည်သူတွေကို နတ်ကိုးကွယ်မှုကနေ ဗုဒ္ဓဘာသာလမ်းစဉ်တစ်ခုအပေါ် ရောက်ရှိလာအောင် လမ်းညွှန်ပြသပေးခဲ့တဲ့ ဆရာတော်ကြီးတစ်ပါးပဲဖြစ်ပါတယ်။

ဂျလန်းကျွန်းဆရာတော်ကြီးရဲ့ ပျံလွန်တော်မူသွားတဲ့သတင်းဟာ မြန်မာပြည်သူတွေကို စိတ်ထိခိုက်ဝမ်းနည်းစေခဲ့ပြီး ဗုဒ္ဓဘာသာဝင်တွေနဲ့ ဆလုံလူမျိုးတွေအတွက်လည်း အစားထိုးမရတဲ့ ဆုံးရှုံးမှုဖြစ်ခဲ့ပါတယ်။ ရင်းနှီးခဲ့ရတဲ့ ဘုန်းဘုန်းတစ်ပါးက "နောင်တော်ကြီး(ဂျလန်းကျွန်းဆရာတော်) ပျံလွန်တော်မူပြီတဲ့၊ကံသုံးပါးနဲ့ ပြစ်မှားမိခဲ့သည်ရှိသော် ရှိခိုးကန်တော့ပါသည်ဘုရား၊ ကောင်းရာသုဂတိလားပါစေဘုရား " ဆိုပြီး စိတ်မကောင်းဖြစ်မိကြောင်း ရေးသားထားပါတယ်။ နောက်ဆုံးချိန်အထိ အသက်ရှင်ဖို့Volunteersတွေက ကြိုးစားပေးခဲ့သော်လည်း ပျံလွန်တော်မူသွားတဲ့ ဂျလန်းကျွန်းဆရာတော်ဘုရားကြီးရဲ့ ဗီဒီယိုဖိုင်လေးကို ပြန်လည်ဖော်ပြပေးလိုက်ရပါတယ်။

Source:  Original Uploder