မင်းတပ်မြို့က စစ်ရှောင်ပြည်သူတွေအတွက် အခြေခံလူသုံးကုန်ပစ္စည်းများကို စတင်ကူညီထောက်ပံ့ပေးသွားမယ့် UNHCR

စစ်အုပ်ချုပ်ရေး ကြေညာထားတဲ့ ချင်းပြည်နယ်၊ မင်းတပ်မြို့က စစ်ရှောင်ပြည်သူတွေအတွက် ကုလသမဂ္ဂဆိုင်ရာ ဒုက္ခသည်များ မင်းကြီးရုံး (UNHCR)အဖွဲ့က ဇူလိုင်လ (၁၉)ရက်နေ့မှာ ထောက်ပံံ့ရေး ပစ္စည်းများသယ်ဆောင်လာတဲ့ ကား(၅)ဟာ စတင်ရောက်ရှိနေပြီလို့ သိရပါတယ်။ မင်းတပ်မြို့မှာ တိုက်ပွဲများဖြစ်ပွားမှုကြောင့် သောင်းနဲ့ချီတဲ့ ပြည်သူအများအပြား စစ်ရှောင်ခဲ့ရပြီး အခက်အခဲတွေနဲ့ ရင်ဆိုင်ကြုံတွေ့နေရတာ ဖြစ်ပါတယ်။

ဒီလိုအခက်အခဲတွေနဲ့ ရင်ဆိုင်ကြုံတွေနေရပြီး အကူအညီလိုအပ်နေတဲ့အိမ်ထောင်စု(၅၀၀၀)လောက် ရှိတယ်လို့လည်း သိရပါတယ်။ ယခုတစ်ခါ UNHCRကတော့ နိုင်ငံတကာကနေ ထည့်ဝင်လှူဒါန်းပေးခဲ့ အလှူငွေများဖြင့် အိမ်ထောင်စု(၁၀၀၀)စာကို အရင်ဆုံး ထောက်ပံ့ပေးသွားမှာဖြစ်ပါတယ်။ ဒီထောက်ပံ့ပစ္စည်းတွေကတော့ COVID-19 ကာကွယ်ရေးအတွက် အကာအကွယ် ပစ္စည်းကိရိယာများအပါအဝင်၊ တာပေါ်လင်များ၊ ခြင်ထောင်များ၊ ဖျာများ၊ စောင်များ၊ မီးဖိုချောင်သုံးပစ္စည်းများ၊ နေရောင်ခြည်စွမ်းအင်သုံး မီးအိမ်များကို လှူဒါန်းပေးသွားမယ်လို့ UNHCRရဲ့ လူမှုကွန်ယက်မှာ ဖော်ပြထားတာ တွေ့ရပါတယ်။

လူသားချင်း စာနာထောက်ထားမှုဆိုင်ရာ အကူအညီ လိုအပ်နေတဲ့သူတွေကို ကူညီထောက်ပံ့နေတဲ့ UNHCRဟာ အခြားပြည်နယ်တွေက စစ်ရှောင်ပြည်သူတွေကိုလည်း ကူညီထောက်ပံ့သွားမှာဖြစ်ပါတယ်။ ဒုက္ခရောက်နေတဲ့ စစ်ရှောင်ပြည်သူတွေအတွက် UNHCR ကူညီထောက်ပံ့လာတဲ့ အတွက် ပြည်သူတွေကလည်း ဝမ်းသာပျော်ရွှင်နေရပါတယ်။ ပရိသတ်တွေလည်း မြန်မာပြည်သူတွေကို ကူညီထောက်ပံ့ပေးဖို့အတွက် အလှူငွေများလှူဒါန်းပေးခဲ့ကြတဲ့ နိုင်ငံတကာက အလှူရှင်များကိုလည်း ဒီထက်မက လှူဒါန်းနိုင်အောင် ဆုတောင်းမေတ္တာတွေပို့သပေးပါဦးနော်...။

သတင်း အရင်းအမြစ်៖ Source - Original Upload