မြန်မာနိုင်ငံအတွင်းမှာ လက်ရှိဖြစ်ပေါ်နေတဲ့ နိုင်ငံရေးအခြေအနေကတော့ (၅)လကျော် ကြာမြင့်သွားခဲ့ပြီဖြစ်ပါတယ်။ဒီ (၅)လကျော်ကာလအတွင်းမှာလည်း သူရဲကောင်းပြည်သူတွေ အသက်ပေးခဲ့ရသလို တချို့တွေလည်းထောင်ထဲမှာ ဖမ်းဆီးခံထားရဆဲအခြေအနေပဲဖြစ်ပါတယ်။ပြည်သူတွေကတော့ ကိုဗစ် တတိယလှိုင်းကို တိုင်ထုတ်နေရပေမယ့် လက်ရှိနိုင်ငံရေးအခြေအနေကိုလည်း စိတ်ဓာတ်ခွန်အားအပြည့်နဲ့ ရင်ဆိုင်ဖြေရှင်းနေကြတာဖြစ်ပါတယ်။
အာဏာသိမ်းပြီးနောက်ပိုင်းမှာ NLD ပါတီဝင်တစ်ဦးဖြစ်တဲ့ တရားလွှတ်တော်ရှေ့နေ ဦးဉာဏ်ဝင်းကို ပုဒ်မ၅၀၅(က)နဲ့ နစကအစိုးရက ဖမ်းဆီးထိန်းသိမ်းခဲ့တာဖြစ်ပါတယ်။ဦးဉာဏ်ဝင်းက အင်းစိန်အကျဉ်းထောင်ထဲမှာနေထိုင်ရင်း ကိုဗစ်ကူးစက်ခံလိုက်ရတာဖြစ်လို့ ဇူလိုင်လ (၁၁)ရက်နေ့မှစပြီး ရန်ကုန်ပြည်သူ့ဆေးရုံကြီးမှာ ကုသမှုခံယူခဲ့ရတာဖြစ်ပါတယ်။ဦးဉာဏ်ဝင်းက လွှဲပြောင်းကုသမှုခံယူပြီးနောက် ယနေ့မနက်ပိုင်းမှာ ကိုဗစ်ရောဂါနဲ့ပဲ ရန်ကုန်ဆေးရုံကြီးမှာ ကွယ်လွန်သွားခဲ့တာဖြစ်ပါတယ်။
ဦးဉာဏ်ဝင်း ကွယ်လွန်ချိန်မှာ အသက်(၇၉)နှစ်အရွယ်ရှိပြီး ဆီးချိုရောဂါနဲ့ သွေးဝမ်းသွားရောဂါရှိကြောင်းလည်းသိရပါတယ်။ပြည်သူလူထုကတော့ ကိုဗစ်ကြောင့်သေဆုံးသွားရတဲ့ ဦးဉာဏ်ဝင်းအတွက် အရမ်းဝမ်းနည်းနေရတာပဲဖြစ်ပါတယ်။အမေစု အကျယ်ချုပ်ကာလမှာ ရင်ဆိုင်ရတဲ့ အမှုတွေကိုလည်း ဦးဉာဏ်ဝင်းက ရှေ့နေလိုက်ပေးခဲ့တယ်လို့သိရပါတယ်။ဒါ့ကြောင့် ဦးဉာဏ်ဝင်းဆုံးတဲ့သတင်းကို အမေစုကြားသိရင် အရမ်းဝမ်းနည်းနေမှာကို ကိုယ်ချင်းစာမိရင်း ပြန်လည်မျှဝေပေးလိုက်ပါတယ်။
Source&Photo Credit: Original Uploder
Bong I.T