ကိုဗစ်ရောဂါကူးစက်မှုတွေကြောင့် ပြည်သူအများအပြားဟာ အသက်ရှူကြပ်တဲ့ဝေဒနာကိုခံစားနေရပြီး အောက်ဆီဂျင်ပေးစက်တွေလည်း လိုအပ်နေကြပါတယ်။ပြည်သူတွေအောက်ဆီဂျင်အရေးတကြီးလိုအပ်နေကြတာကို အခွင့်ကောင်းယူပြီး မသမာသူတွေက နည်းမျိုးစုံနဲ့လိမ်လည်မှုတွေပြုလုပ်လျက်ရှိနေကြပါတယ်။ ယနေ့Julyလ(20)ရက်နေ့မှာတော့ ပြည်သူတစ်ဦးဟာ အောက်ဆီဂျင်အိုးရရှိဖို့ သေရေးရှင်ရေးအခက်အခဲဖြစ်နေချိန်မှာ ပိပိရိရိနဲ့လိမ်လည်သွားသူတစ်ယောက်ကြောင့်ဒုက္ခရောက်ခဲ့ရပါတယ်။
အဆိုပါပြည်သူက သူ့လိုအဖြစ်မျိုး နောက်မဖြစ်ရလေအောင် သတိထားစေချင်တာကြောင့် စနစ်တကျနဲ့သေသေချာချာလိမ်လည်သွားပုံကို ပြောပြလာခဲ့ပါတယ်။အသိတစ်ယောက်က အောက်ဆီဂျင်အိုးလိုချင်တာကြောင့် လိမ်လည်ခံလိုက်ရတဲ့ပြည်သူက Htoo Aungအမည်ရှိ online Shopတစ်ခုကမှာယူပေးခဲ့ပါတယ်။ လိမ်လည်ခံရမှာစိုးတာကြောင့် ကားပေါ်အောက်ဆီဂျင်အိုးတင်ပေးတဲ့အထိ VD Callနဲ့စကားပြောခဲ့ကြပြီး ကားဂိတ်ကိုလည်း ဖုန်းတွေသေချာဆက်မေးထားခဲ့ပါတယ်။ အောက်ဆီဂျင်အိုးတင်ပေးလိုက်တဲ့ ကားဟာ ကားဂိတ်ထဲဝင်လာလို့ပစ္စည်းသွားယူချိန်မှာတော့ လိမ်လည်ခံရတဲ့ ပြည်သူရဲ့နာမည်နဲ့ပစ္စည်းဟာ ကားပေါ်မပါလာဘဲ လိမ်လည်သွားသူဟာလည်း ဖုန်းပါစက်ပိတ်သွားခဲ့ပါတယ်။
အဆိုပါကားဂိတ်ကလည်း ကားဂိတ်ဘောင်ချာဟာ အတုသာဖြစ်တဲ့အကြောင်း၊အောက်ဆီဂျင်အိုးကိစ္စကို ဖြေရှင်းပေးနေတာ လိမ်လည်ခံရတဲ့ပြည်သူနဲ့ဆိုရင် (၈)ယောက်မြောက်ရှိပြီဖြစ်တဲ့အကြောင်း ပြောပြလာခဲ့ပါတယ်။လိမ်လည်ခံရတဲ့ပြည်သူက လိမ်လည်သူတွေဟာသေချာပိရိအောင်လိမ်လည်တာမို့အရေးတကြီးလိုအပ်နေပေမယ့်လည်း Onlineကနေ အလွယ်မယုံမိကြဖို့ သတိပေးပြောဆိုလိုက်ပါတယ်။ဖော်ပြပါပြည်သူလိုမျိုး တစ်ခြားလူတွေလည်း လိမ်လည်ခြင်းမခံရအောင် ရင်းနှီးသူတွေမှအပ တစ်ခြားသူတွေကိုအရမ်းမယုံကြည်ကြဖို့ တိုက်တွန်းလိုက်ရပါတယ်။
Source: Original Uploder