မိုးတွေရွာနေလို့ ချမ်းချမ်းအေးအေးဖြစ်နေပေမယ့် အောက်ဆီဂျင်ဖြည့်ဖို့ ပင်ပင်ပန်းပန်းနဲ့စောင့်ဆိုင်းနေကြရတဲ့ တောင်ဒဂုံက လက်ရှိအခြေအနေ

ကိုဗစ်ရောဂါကူးစက်မှုတွေကြောင့် သေဆုံးနေတဲ့ ပြည်သူတွေလည်းတိုးလာသလို့ အောက်ဆီဂျင်ကျပြီး အသက်ရှူကြပ်လူနာတွေလည်း တစ်နေ့တစ်ခြားပိုမိုများပြားလာခဲ့ပါတယ်။ အောက်ဆီဂျင်ပေးစက်တွေအရေးပေါ်လိုအပ်တာကြောင့် ကိုဗစ်လူနာတွေရဲ့မိသားစုဝင်တွေ၊ပရဟိတပြည်သူတွေဟာ အောက်ဆီဂျင်ဖြည့်ပေးတဲ့နေရာတွေမှာ အပင်ပန်းခံပြီးစောင့်ဆိုင်းနေကြပါတယ်။ ယနေ့Julyလ(19)ရက်နေ့မှာတော့ ပြည်သူတစ်ယောက်ဟာ အောက်ဆီဂျင်အိုးလေးဖြည့်ရဖို့အတွက် မိုးရွာကြီးထဲမှာ ထီးလေးတွေဆောင်းပြီး တန်းစီစောင့်ဆိုင်းနေရတဲ့ တောင်ဒဂုံမြို့နယ်က လက်ရှိမြေမြင်အခြေအနေကို ဗီဒီယိုရိုက်ကူးပြီးပြသလာခဲ့ပါတယ်။

ကိုဗစ်ရောဂါကို ကြောက်ပေမယ့်လည်း အသက်ရှူကြပ်နေပြီး အကူအညီမဲ့နေတဲ့ ကိုဗစ်လူနာတွေအတွက် ပြည်သူတွေဟာ အောက်ဆီဂျင်ဖြည့်ပေးတဲ့ နေရာတွေမှာ တန်းစီပြီး အချိန်အကြာကြီးစောင့်နေကြတာဖြစ်ပါတယ်။ အသက်ရှူကြပ်လူနာတွေအတွက် ကြောက်ရွံ့မှုကိုအန်တုပြီး ပင်ပင်ပန်းပန်းနဲ့ အောက်ဆီဂျင်လာဖြည့်နေကြတဲ့ မြန်မာပြည်သူတွေရဲ့စိတ်ဓာတ်ဟာ အရမ်းလေးစားစရာကောင်းလွန်းနေခဲ့ပါတယ်။ မိုးရေတွေရွှဲစိုနေတာကြောင့် ချမ်းချမ်းအေးအေးနဲ့ စောင့်နေကြသူတွေ၊ခြေထောက်ညောင်းလွန်းလို့ ထိုင်ခုံလေးတွေပေါ်မှာ  ထိုင်ရင်းတန်းစီနေကြသူတွေကို ကြည့်ပြီး ပြည်သူတွေက အလွန်စိတ်မကောင်းဖြစ်နေကြပါတယ်။

တောင်ဒဂုံက အခြေအနေကို ဗီဒိယိုရိုက်ကူးပြီး ပြသလာတဲ့ ပြည်သူတစ်ယောက်က အောက်ဆီဂျင်ရှာရခက်ခဲတဲ့ လက်ရှိအခြေအနေမှာ သူ့ဘက်ကိုယ့်ဘက်ငဲ့ကြည့်ပေးကြဖို့ တောင်းဆိုလိုက်ပါတယ်။အဆိုပါပြည်သူက " Oxygenဘယ်လိုထည့်လဲ အခုချက်ချင်းမရဘူးလား ဆိုပြီးမေးနေကြလို့ ..ကျွန်တော်တို့တောင်ဒဂုံရောက်နေပါတယ်.သူ့ဘက်ကိုယ့်ဘက်ငဲ့ကြပါဦးဗျာ ကျွန်တော်တို့လဲအသက်တွေနဲ့ရင်းထားရတာ Videoလေးကြည့်ကြည့်လိုက်ပါ ဒီနေ့နေ့လည် " ဆိုပြီး လူမှုကွန်ယက်ထက်မှာ ရေးသားထားခဲ့ပါတယ်။အောက်ဆီဂျင်အိုးလေးဖြည့်ရဖို့ မိုးရွာကြီးထဲမှာ တန်းစီနေကြတဲ့ ပြည်သူတွေရဲ့ဗီဒီယိုဖိုင်လေးကို ပြန်လည်ဖော်ပြပေးလိုက်ရပါတယ်။

Source : Original Uploder