မြန်မာပြည်အတွင်းဖြစ်ပွားနေတဲ့ ဗီဇပြောင်းကိုဗစ်ရောဂါဆိုးကြောင့် သက်ကြီးရွယ်အို အဖိုးအဖွားတွေမှာလည်း ဝေဒနာရဲ့ ဖိစီးမှုတွေကို အံတုရင်ဆိုင်နေကြရတာ ဖြစ်ပါတယ်..။
လူကြီးလူငယ် လူတန်းစားမရွေး ကူးစက်နေကြတဲ့ ကိုဗစ်ရောဂါနဲ့ ပတ်သက်ပြီး ပြည်သူတွေမှာ တတ်နိုင်တဲ့ဘက်ကနေ ကြိုတင်ကာကွယ်မှုတွေ ပြုလုပ်နေတဲ့ကြားက သေဆုံးသူတွေ များပြားနေတာပါ..။
လက်ရှိမှာလည်း ဘိုးဘွားရိပ်သာမှ အသက်အရွယ်ကြီးရင့်နေတဲ့ အဖိုးအဖွားတွေဟာ ကိုဗစ်ကူးစက်ခံရပြီး အသက်ရှုရခက်ခဲနေတာကြောင့် အောက်ဆီဂျင်တွေ လိုအပ်နေတယ်လို့ သိရပါတယ်..။
မြောက်ဒဂုံသာလွန်သူ ဘိုးဘွားရိပ်သာမှာ အဖိုးအဖွားတွေအတွက် အောက်ဆီဂျင်တွေ လိုအပ်နေတဲ့အကြောင်း ပြည်သူတစ်ဦးက လူမှုကွန်ယက်စာမျက်နှာမှာ ရေးသားပြောပြထားတာ ဖြစ်ပါတယ်..။
လက်ရှိမှာတော့ အဖိုးအဖွားတွေဟာ ပတ်ဝန်းကျင်ရဲ့စောင့်ကြည့်ခြင်းခံနေရပြီး အရေးပေါ်အတွက် အောက်ဆီဂျင်ကူညီထောက်ပံ့ပေးတဲ့ နေရာတွေမှာသွားရှုဖို့အတွက်တောင် အခက်အခဲဖြစ်နေတယ်လို့ သိရပါတယ်..။
အောက်ဆီဂျင် အခက်အခဲဖြစ်နေကြတဲ့ အဖိုးအဖွားတွေအတွက် အကူညီပေးလိုပါက အောက်ဆီဂျင်ဝယ်ပြီး ပို့ပေးကူညီနိုင်တာကြောင့် တတ်နိုင်သလောက် ပါဝင်ကူညီပေးကြဖို့ မေတ္တာရပ်ခံတိုက်တွန်းလိုက်ပါတယ်နော်..။