မိခင်နဲ့ ဗိုက်ထဲက အမွှာပူးကလေးတွေရဲ့အသက်ကို မကယ်တင်ပေးလိုက်နိုင်လို့ အရမ်းဝမ်းနည်းပြီး ယူကြုံးမရဖြစ်နေတဲ့ ပရဟိတလူငယ်လေးတစ်ဦး

လက်ရှိဖြစ်ပေါ်နေတဲ့ ကိုဗစ်တတိယလှိုင်းမှာတော့ သက်ကြီးရွယ်အိုတွေအပြင် ကိုယ်ဝန်ဆောင်မိခင်၊ကလေးငယ်တွေလည်း Covid positive နဲ့ အသက်ဆုံးရှုံးနေရတာပဲဖြစ်ပါတယ်။ပြည်သူတွေကလည်း အချင်းချင်းကူညီဖေးမမှုနဲ့ပဲ ဒီရောဂါဆိုးကြီးကို တိုက်ထုတ်နေရတာဖြစ်ပါတယ်။ပြည်သူတိုင်းနီးပါးက ဒီကာလမှာ ပရဟိတအလုပ်တွေကိုတတ်နိုင်သလောက်လုပ်ဆောင်ကြပြီး ကိုဗစ်ရောဂါခံစားနေရသူတွေကိုလည်း အားပေးစကားပြောပေးနေကြတာဖြစ်ပါတယ်။

တချို့လူငယ်လေးတွေကလည်း ဒီအခြေအနေကြောင့် PPE ဝတ်စုံတွေဝတ်ဆင်ပြီး ကိုဗစ်လူနာတွေကို လိုက်လံကူညီပေးနေတာဖြစ်ပါတယ်။အခုဆိုရင်တော့ ပရဟိတလူငယ်လေးတစ်ဦးက ကိုယ်ဝန်ဆောင်မိခင်ကို ကြိုးစားပြီးကူညီပေးခဲ့မယ့် အသက်ကိုမကယ်လိုက်နိုင်လို့ အရမ်းဝမ်းနည်းနေတာဖြစ်ပါတယ်။ကိုယ်ဝန်ဆောင်မိခင်က အမွှာပူးရင်သွေးလေးတွေကို လွယ်ထားရတဲ့အပြင် အောက်ဆီဂျင်(၆၀)လောက်နဲ့ အသက်လုနေခဲ့ရတာဖြစ်ပါတယ်။

ကိုယ်ဝန်ဆောင်အမျိုးသမီးကို Ambulance ပေါ်တင်ပြီး ဆေးရုံသွားပို့တဲ့အခါမှာ ဆေးရုံက လက်မခံခဲ့ဘူးလို့ သိရပါတယ်။ကားပေါ်မှာ အောက်ဆီဂျင်နည်းနေလို့ လက်ခံပေးပါပြောလည်း လုံးဝလက်မခံတာကြောင့် အိမ်ကိုပဲအရောက်ပြန်မောင်းခဲ့ရတာဖြစ်ပါတယ်။အိမ်ရောက်တော့ ကိုယ်ဝန်ဆောင်အမျိုးသမီးရဲ့ အသက်ကိုကယ်ခဲ့ပေမယ့်တစ်ချက်သတိလည်လာပြီး ကွယ်လွန်သွားခဲ့တာဖြစ်ပါတယ်။ပရဟိတလူငယ်လေးကတော့ လူသားသုံးယောက်ရဲ့အသက်ကို မကယ်တင်ပေးလိုက်နိုင်လို့ အရမ်းခံစားနေရတဲ့အကြောင်းလေးကို ပြန်လည်မျှဝေပေးလိုက်ပါတယ်။

Source&Photo Credit: Original Uploder