မြန်မာပြည်သူတွေကတော့ လက်ရှိမှာ အာဏာရှင်တွေရဲ့ ဖိနှိပ်မှုဒဏ်တွေနဲ့ ပြန်လည်ဖြစ်ပွားလာခဲ့တဲ့ တစ်ကျော့ပြန် ကိုဗစ်တတိယလှိုင်းကြောင့် အသက်သေဆုံးနေရတဲ့ အဖြစ်မျိုးတွေအပြင် လူမှုရေး ၊စီးပွားရေး၊ ပညာရေးတွေကိုလည်း ထိခိုက်ဆုံးရှုံးမှုတွေ ဆိုးရွားစွာခံစားနေရရှာပါတယ်။ ဒါ့အပြင် တစ်နေ့လုပ်မှတစ်နေ့စားရတဲ့ ပြည်သူတွေလည်း လတ်တလောမှာ စားဝတ်နေရေးအတွက် ခက်ခက်ခဲခဲ ရုန်းကန်နေရတာကိုလည်း တွေ့မြင်ကြရပါတယ်။
ယခုရက်ပိုင်းမှာလည်း တချို့မြို့နယ်တွေမှာဆိုရင် စားဝတ်နေရေးတွေ ခက်ခဲလာတဲ့အခြေအနေတွေကြောင့် ခိုးမှု၊ လုယက်မှုတွေ မကြာခဏဖြစ်ပွားလာခဲ့တာတွေ ရှိလာခဲ့ပါတယ်။ ဒီလို အကြပ်အတည်းတွေနဲ့ ရင်ဆိုင်ကြုံတွေ့နေရတဲ့ မြန်မာပြည်သူတွေရဲ့ စိတ်မကောင်းစရာ ဖြစ်ရပ်တွေလည်း နေ့စဥ်အမျှဆိုသလို ကြားသိနေရပါတယ်။ ယခုမှာလည်း စိတ်မကောင်းစရာ သတင်းလေးတစ်ခု လူမှုကွန်ယက်မှာ ထပ်မံပျံ့နှံ့လာခဲ့ပါတယ်။
ဒီသတင်းကတော့ ရောဂါကူးစက်မှုတွေမြင့်တက်နေတဲ့အချိန်မှာ ကျန်းမာရေးမကောင်းတဲ့ အမေအိုတစ်ယောက်ကို ပုဂံ ရွှေစည်းခုံ တန်ဆောင်းအတွင်းမှာ လာရောက်စွန့်ပစ်သွားခဲ့တဲ့ ဖြစ်ရပ်လေးပဲ ဖြစ်ပါတယ်။ သားသမီးတွေက လာရောက်စွန့်ပစ်ခဲ့တဲ့ အမေအိုကိုတော့ ရဟန်းသံဃာတော်တွေနဲ့ မြို့နေ ပရဟိတအသင်းက လုံခြုံမှုရှိတဲ့ နေရာကိုကူညီပို့ဆောင်ပေးခဲ့ကြတယ်လို့ သိရပါတယ်။ အဆိုပါ အမေအိုကြီးကို ကူညီလုပ်ဆောင်ပေးခဲ့တဲ့ ဗီဒီယိုလေးကို စိတ်မကောင်းစွာနဲ့ ပြန်လည်ကြည့်ရှုလို့ရအောင် ကူးယူဖော်ပြပေးလိုက်ပါတယ်။
(ဗီဒီယို ကြည့်ရန်အတွက် အောက်ပါ link ကို ပုံထဲက အတိုင်း Select ပေးပြီး Facebook (သို့မဟုတ်) Browser ဆိုတဲ့စကားလုံးကို နှိပ်၍ ကြည့်ရှု့နိုင်ပါသည်)
https://m.facebook.com/story.php?story_fbid=883716272240233&id=100018056048134
သတင်း အရင်းအမြစ်៖ Video Credit & Source - Original Upload