လူနာဖခင်ကိုစောင့်ရှောက်ရင်း ရောဂါကူးပြီး ခုံပေါ်မှာထိုင်လျက်သေဆုံးသွားရသော ရင်နာစရာကောင်းလွန်းတဲ့ သားအဖနှစ်ယောက်ရဲ့ ဗီဒီယိုဖိုင်

မြန်မာပြည်အတွင်း Covid 19 ရောဂါရဲ့ ကူးစက်ပြန့်ပွားမှုတွေကတော့ တနေ့တခြား ဆိုးရွားလာပြီး သေဆုံးသူအရေအတွက်တွေကလည်း များပြားလာပြီ ဖြစ်ပါတယ်..။

အောက်စီဂျင်ပြတ်လပ်မှုတွေကလည်း ပြည်သူတွေအပေါ် ထိုးနှက်ကာ လက်ရှိအခြေအနေတွေထိ လုံလောက်တဲ့ ဆေးကုသမှုတွေ မရှိသေးတာကြောင့် လူနာတွေဟာ နေအိမ်တွေမှာပဲ သေဆုံးနေကြရတာ တွေ့ရပါတယ်..။

ရန်ကုန်၊ ဒဂုံမြို့သစ် အရှေ့ပိုင်း နေအိမ်တစ်အိမ်မှာလည်း သားအဖနှစ်ယောက်လုံး အောက်ဆီဂျင်ပြတ်ပြီး သေဆုံးသွားခဲ့ရတာကို စိတ်မကောင်းစွာ မြင်တွေ့ရပါတယ်..။

သားအဖနှစ်ယောက်တည်း နေထိုင်ပြီး လူနာဖခင်ကို ပြုစုစောင့်ရှောက်ရင်း ရောဂါကူးကာ သားဖြစ်သူကပါ ခုံပေါ်မှာ ထိုင်လျက်သား သေဆုံးသွားခဲ့ရတာ ဖြစ်ပါတယ်..။

သားဖြစ်သူမှာ အောက်ဆီဂျင်တိုင်းတဲ့ အောက်ဆီမီတာစက်လေး ဘေးမှာ ချပြီး ထိုင်လျက်သား အသက်ဆုံးသွားရသလို ဖခင်ဖြစ်သူမှာလည်း အိပ်ခန်းထဲက ကုတင်ပေါ်မှာ သေဆုံးနေတာ ဖြစ်ပါတယ်..။

အောက်ဆီဂျင်ပြတ်တဲ့ ပြဿနာတွေကြောင့် သေဆုံးသွားရတဲ့ ရင်နာစရာ အဖြစ်အပျက်တွေကတော့ မြန်မာပြည်မှာ တကယ်ကို များပြားနေပြီ ဖြစ်တာကြောင့် ပြည်သူအားလုံး ကျန်းမာရေးကို ဂရုစိုက်ကာ ကြိုတင်ကာကွယ်ပြီး နေထိုင်ကြပါနော်..။