ကိုဗစ်နဲ့ သတိလစ်သွားလို့ အရေးပေါ်ဆေးရုံတင်ထားရတယ်ဆိုတဲ့ ဦးဖြိုးမင်းသိန်းနဲ့ပတ်သက်ပြီး ပြတ်ပြတ်သားသားပြောလိုက်တဲ့ မေဦး

ပြည်သူတွေနဲ့အတူ တစ်သားတည်းရပ်တည်ပေးခဲ့တဲ့ မေဦးကတော့ နွေဦးတော်လှန်ရေးအစကတည်းက တတ်နိုင်တဲ့ဝန်ကို ထမ်းရွက်ခဲ့တာဖြစ်ပါတယ်။လက်ရှိအချိန်မှာတော့ မေဦးက တောထဲကိုရောက်ရှိနေပေမယ့် လူမှုကွန်ယက်စာမျက်နှာပေါ်မှာလည်း သတင်းတွေအမြဲတင်ပေးနေတာဖြစ်ပါတယ်။မေဦးက မိတ်ကပ်လောကမှာ နာမည်ကြီးတဲ့သူတစ်ယောက်ဖြစ်ပေမယ့်လည်း အခုချိန်မှာတော့ ဒီမိုကရေစီရရှိဖို့အတွက်သာ အားသွန်ခွန်စိုက်ကြိုးစားပေးနေတာဖြစ်ပါတယ်။

မနေ့ကဆိုရင် လူမှုကွန်ယက်စာမျက်နှာပေါ်မှာ ဦးဖြိုးမင်းသိန်း COVID-19 နဲ့ သတိလစ်သွားလို့ ဆေးရုံတင်ထားရတယ်ဆိုပြီး ပြန့်နှံ့လာတာဖြစ်ပါတယ်။ဒီသတင်းကို တွေ့မြင်နေရတဲ့ ပြည်သူတွေကလည်း ဦးဖြိုးမင်းသိန်းအတွက်အရမ်းစိတ်မကောင်းဖြစ်ရပြီး အမြန်ဆုံးသက်သာပါစေလို့ ဆုတောင်းပေးနေကြတာဖြစ်ပါတယ်။ဦးဖြိုးမင်းသိန်းတို့ ဇနီးမောင်နှံနှစ်ယောက်လုံး ကိုဗစ်ကူးစက်ခံထားရတာဖြစ်ပြီး ဦးဖြိုးမင်းသိန်းကိုတော့ အောက်ဆီဂျင်ပေးထားရတယ်လို့ သိရပါတယ်။

မေဦးကလည်း ဖမ်းဆီးခံထားရချိန်မှာ အခုလိုမျိုး ကိုဗစ်ကူးစက်ခံလိုက်ရတဲ့ ဦးဖြိုးမင်းသိန်းအတွက် အရမ်းစိတ်မကောင်းဖြစ်နေရှာတာဖြစ်ပါတယ်။ဒါ့ကြောင့် မေဦးက ဦးဖြိုးမင်းသိန်းနဲ့ ပတ်သက်ပြီး “မဖမ်းသင့်ဘဲဖမ်းထားပြီးတစ်ခုခုဖြစ်ခဲ့ရင် ဘာကြောင့်ဖြစ်ဖြစ် ဖမ်းတဲ့သူတာဝန်ပဲ”ဆိုပြီး ပြတ်ပြတ်သားသားရေးသားထားတာဖြစ်ပါတယ်။ပြည်သူတွေကတော့ ဦးဖြိုးမင်းသိန်းကို “အားတင်းထားပါဦး”လို့ တောင်းဆိုနေကြပြီး အမြန်ဆုံးသက်သာဖို့အတွက် မျှော်လင့်နေကြကြောင်းကို ပြန်လည်မျှဝေပေးလိုက်ပါတယ်။

Source&Photo Credit:May Oo’s FB Acc