နိုင်ငံရေးမတည်ငြိမ်မှုတွေသာမက Covid ရောဂါပြန့်ပွားမှုတွေကြောင့် ပြည်သူအများအပြား ထိခိုက်သေဆုံးနေကြရတာကတော့ တကယ်ကို ဝမ်းနည်းစရာကောင်းလွန်းပါတယ်..။
ကိုဗစ်လူနာတွေကို ဆေးရုံတွေမှာ လက်ခံကုသပေးမှုတွေမရှိတာကြောင့် လူနာအများစုဟာ မိမိတို့ရဲ့ နေအိမ်မှာပဲ အဆင်ပြေသလို ကုသနေရပေမယ့် လတ်တလောမှာ အောက်ဆီဂျင်ပြတ်လပ်မှုတွေအပြင် ဆေးဝါးအခက်အခဲတွေ ဖြစ်နေကြတာ တွေ့ရပါတယ်..။
အခုလိုစစ်ဘေးဒုက္ခတွေအပြင် ကျန်းမာရေးပြဿနာတွေပါ ကြုံတွေ့နေရတဲ့အချိန်မှာလည်း မီးလောင်မှုတွေကြောင့်လည်း ပျက်စီးဆုံးရှုံးနေကြတာ တော်တော်များများပါပဲ..။
ဒီကနေ့ ဇူလိုင်လ(၁၆)ရက်နေ့မှာလည်း ရှမ်းပြည်နယ်မြောက်ပိုင်း ကွတ်ခိုင်မြို့ဈေးအတွင်း မီးလောင်မှုဖြစ်ပွားခဲ့ပြီး ဆေးဆိုင်အများအပြား ဆုံးရှုံးခဲ့တယ်လို့ သိရပါတယ်..။
မနက်အစောပိုင်းမှာ မီးလောင်မှုဖြစ်ပွားခဲ့ပြီး (၁)နာရီအကြာ လောင်ကျွမ်းခဲ့ကာ ဘာကြောင့် မီးလောင်ခဲ့တယ်ဆိုတာကိုတော့ မသိရသေးပါဘူးလို့ ဆိုပါတယ်..။
အဆိုပါမီးလောင်မှုကြောင့် ဆိုင်းဆိုင်များအပါအဝင် CDMနဲ့ စစ်ဘေးရှောင်တွေကို ထောက်ပံ့လှူဒါန်းနေတဲ့ ဈေးဆိုင်အများအပြား ပျက်ဆီးဆုံးရှုံးခဲ့ရတယ်လို့ သိရပါတယ်..။