သေဆုံးမှုများပြားလွန်းတာကြောင့် သဂြိုလ်ဖို့စောင့်ရင်း အခေါင်းမလောက်လို့ စောင်၊ ဖျာလိပ်တွေနဲ့ ပတ်ထားရတဲ့ ရန်ကုန်မြို့ရှိလူသေအလောင်းများ

လက်ရှိမှာ တတိယလှိုင်း Covid 19 ကူးစက်မှုတွေကြောင့် မြန်မာပြည်အတွင်း သေဆုံးသူလူနာများ တစ်နေ့တစ်ထက်တစ်နေ့  ပိုမို များပြားလာနေပြီ ဖြစ်ပါတယ်..။

ကူးစက်မှုမြန်ဆန်လွန်းတဲ့ ရောဂါဆိုးကြီးရဲ့ ဖိစီးမှုတွေကြောင့် လူတန်းစားမရွေး သေဆုံးနေကြရသလို အများပြည်သူတွေမှာ စိုးရိမ်ထိတ်လန့်နေကြရတာပါ..။

အောက်ဆီပြတ်တောက်မှုတွေမှုတွေအပြင် အောက်ဆီဂျင်ပေးနည်း မမှန်ကန်မှုတွေကြောင့် မသေသင့်ဘဲ သေဆုံးနေကြရတာတွေကလည်း တော်တော်များများ ရှိနေတာ တွေ့ရပါတယ်..။

ရန်ကုန်မြို့အပါအဝင် နိုင်ငံတစ်ဝှမ်း အများအပြားအသက်ဆုံးရှုံးနေကြရပြီး ရန်ကုန်တစ်မြို့ထဲမှာတင် တစ်ရက်တည်း လူထောင်ချီသေဆုံးနေတာကြောင့် သဂြိုလ်ဖို့ကိုတောင် တန်းစီစောင့်ဆိုင်းနေကြရတာ ဖြစ်ပါတယ်..။

ဇူလိုင်လ(၁၅)ရက်နေ့မှာလည်း တစ်နေ့တည်း သေဆုံးသူအလောင်း ရေဝေးမှာ(၂၃၁)လောင်း၊ ကျီးစု(၁၀၃)လောင်းနဲ့ ထိန်ပင်(၄၂၀)လောင်း တို့ဖြင့် စုစုပေါင်း(၇၅၃)လောင်း အထိ ရှိခဲ့တာကြောင့် ညဉ့်နက်အချိန်ထိ သဂြိုလ်ဖို့ စောင့်နေကြခဲ့ရပြီး ရင်နာစရာကောင်းလွန်းတာ တွေ့ရပါတယ်..။

အများစုဟာ အောက်ဆီဂျင်ပြတ်လို့ သေဆုံးခဲ့ရပြီး သေဆုံးမှုများပြားလွန်းတာကြောင့် သဂြိုလ်ဖို့စောင့်ရင်း အခေါင်းမလောက်လို့ စောင်၊ ဖျာလိပ်တွေနဲ့ ပတ်ထားကြရတယ်လို့ သိရပါတယ်..။