မြန်မာနိုင်ငံမှာ ဖေဖော်ဝါရီ(၁)ရက်ကနေ အာဏာသိမ်းပြီးတဲ့နောက် အနယ်နယ်အရပ်ရပ်မှာ မီးလောင်မှုတွေမကြာခဏ ဖြစ်ပွားလာခဲ့ပါတယ်။ယင်း မီးလောင်မှုတွေအများဆုံးဖြစ်ပွားခဲ့တာကတော့ စာသင်ကျောင်း၊ စျေးတွေနဲ့ လူနေအိမ်တွေအများဆုံး ဖြစ်နေတာ တွေ့ရပါတယ်။ ယနေ့ ဇူလိုင်လ(၁၆)ရက်နေ့ မနက်ပိုင်းမှာလည်း ရှမ်းပြည်နယ်မြောက်ပိုင်း၊ ကွတ်ခိုင်မြို့ထဲက ဈေးကြီးတစ်စျေး မီးလောင်မှုဖြစ်ပွားတယ်လို့ ကြားသိရပါတယ်။
အဆိုပါ စျေးကြီးဟာ မနက်အစောပိုင်း (၁၂)နာရီခွဲလောက်မှာ မီးစတင်လောင်ကျွမ်းခဲ့ပြီး မီးသတ်သမားတွေနဲ့အတူ မြို့နေပြည်သူများက ဝိုင်းဝန်းငြှိမ်းသတ်ခဲ့တာကြောင့် (၁)နာရီခန့်လောက်မှာ မီးငြိမ်းသွားခဲ့တာလို့ သိရပါတယ်။ အရှိန်ပြင်းပြင်းနဲ့ မီးလောင်ကျွမ်းခဲ့တာကြောင့် မနက်မိုးလင်းတဲ့ အချိန်မှာတော့ ရစရာမရှိလောက်အောင် ပျက်စီးသွားခဲ့တဲ့ ပုံရိပ်တွေကလည်း လူမှုကွန်ယက်မှာ စိတ်မကောင်းစွာ ပျံ့နှံ့လာခဲ့တာကို တွေ့မြင်ရပါတယ်။
ကြားသိခဲ့ရတဲ့ သတင်းများအရ မီးလောင်ကျွမ်းမှုကြောင့် တိုင်းရင်းဆေးဝါးများ ၊ စားသောက်ကုန်များနဲ့ လူသုံးကုန်ပစ္စည်းတွေရောင်းတဲ့ ဆိုင်ခန်းပေါင်း (၃၀)ဝန်းကျင်လောက် မီးထဲပါသွားခဲ့တယ်လို့ သိရပါတယ်။ ဒီပုံတွေထဲမှာတော့ ဆိုင်ခန်းများ မီးထဲပါသွားတဲ့ စျေးသူစျေးသားတွေကတော့ သူတို့ရဲ့ ဆိုင်ခန်းတွေကိုလာရောက် ရှင်းလင်းနေကြတာကိုလည်း တွေ့မြင်ရပါတယ်။ ကွတ်ခိုင်မြို့ဈေးကြီးရဲ့ မီးလောင်ပျက်စီးသွားခဲ့တဲ့ ဒီမြင်ကွင်းတွေကတော့ ပြည်သူတွေကတော့ စိတ်မကောင်းနေကြတာ ဖြစ်ပါတယ်။
သတင်း အရင်းအမြစ်៖ Source - Original Upload