နှစ်ပတ်ကျော်ကြာဖမ်းဆီးခံထားရတဲ့ တတိယနှစ်ဥပဒေအထူးပြုကျောင်းသူ မသိမ့်စန္ဒီစိုးဟာ လက်ရှိအချိန်မှာတော့ မိုးကုတ်ကအချုပ်ထဲမှာ ဖမ်းဆီးခံထားရဆဲဖြစ်ပြီး ကျန်းမာရေး အခြေအနေဟာ အသက်အန္တရာယ်ထိခိုက်သည်အထိဆိုးဝါးနေကြောင်း ဖခင်ဖြစ်သူက ဦးစိုးဌေးကလူမှုကွန်ရက်မှာ ပြောပြလာခဲ့ပါတယ်။ ဒီလိုဆိုးဝါးနေသော်လည်း ဖမ်းဆီးထားသူ တွေဟာ ဆေးကုသခွင့်မပေးသည့်အပြင် ဘယ်သူနဲ့မှတွေ့ဆုံခွင့်မပေးတာကြောင့် မသိမ့်စန္ဒီစိုးရဲ့လက်ရှိအခြေအနေဟာ စိုးရိမ်ဖွယ်ဖြစ်နေခဲ့ပါတယ်။ နိုင်ငံအတွက် အရေးပါလာမယ့် ဥပဒေကျောင်းသူတစ်ယောက် အကျိုးမဲ့အသက်ဆုံးရှုံးသွားရမယ့်အဖြစ်မျိုး အားလုံးကမဖြစ်စေချင်ကြပါဘူး။
မသိမ့်စန္ဒီစိုးဟာ အသက်အငယ်ဆုံးနိုင်ငံရေးအကျဉ်းသူလေးဖြစ်ခဲ့တဲ့ မစုထက်ဝိုင်းရဲ့ အမဖြစ်ပြီး ဖခင်ဖြစ်သူ ဦးစိုးဌေးရဲ့နိုင်ငံရေးတက်ကြွလှုပ်ရှားမှုတွေကြောင့် စစ်ကောင်စီဖက်က လာရောက်ဖမ်းဆီး စဉ်မှာ ဖခင်ဖြစ်သူကိုမတွေ့ခဲ့သော်လည်း မိသားစုကို ဖမ်းဆီးသွားခဲ့တာဖြစ်ပါတယ်။ နှစ်ပတ်ကျော်ကြာချုပ်နှောင်မှုအပြီးမှာ အငယ်ဆုံးကလေး စုထက်ဝိုင်းကိုလွှတ်ပေးခဲ့ပြီး မသိမ့်စန္ဒီစိုးနဲ့ မိခင်ဖြစ်သူကိုတော့ ဆက်လက်ချုပ်နှောင်ထားဆဲပါပဲ။
သမီးကြီးဖြစ်သူအတွက် စိတ်ပူနေတဲ့ ဖခင်ဦးစိုးဌေးဟာ သူ့ရဲ့ခံစားချက်ကို " မစုထက်ဝိုင်း၏အမ တတိယနှစ်ဥပဒေအထူးပြုကျောင်းသူ မသိမ့်စန္ဒီစိုးသည် မိုးကုတ်အချုပ်ထဲ၌ ကျန်းမာရေးအခြေအနေ ဆိုးနေ (အသက်အန္တရယ်ရှိနိုင်ဟုကြားသိရ) တွေ့ခွင့် ပေးခွင့် မေးခွင့်မရသည့်အတွက် ကုသခွင့် ဆေးသောက်ခွင့်မဲ့နေ သမီးကြီးရေ အားတင်းထား " ဆိုပြီး ရင်ဖွင့်ပြောပြလာခဲ့ပါတယ်။ ဘေးကင်းပြီး အမြန်ဆုံးကျန်းမာပါစေလို့ ဆုတောင်းပေးပါတယ်။
သတင်း အရင်းအမြစ်៖ Soe Htay's FB Acc