ခေတ်အဆက်ဆက် မှတ်သားစရာကောင်းလွန်းတဲ့ ဘဘဦးညွှန့်ဝင်းရဲ့ စကားလေးတွေကို ပြန်လည်ပြောပြလာတဲ့ ခြူးလေး

မြန်မာ့ရုပ်ရှင်လောကရဲ့ ဂန္တာဝင်သရုပ်ဆောင် အနုပညာရှင်ကြီးတစ်ယောက်ဖြစ်တဲ့ ဦးညွှန့်ဝင်းဟာ ဒီကနေ့ ဇူလိုင်လ(၁)ရက်နေ့မှာပဲ ကွယ်လွန်သွားခဲ့တာကို ပရိသတ်တွေ သိရှိပြီး ဖြစ်မှာပါနော်..။

အကယ်ဒမီ(၇)ဆုရှင် ဦးညွှန့်ဝင်းဟာ မနက်အစောပိုင်းအချိန်က ဘဝတစ်ပါးကို ကူးပြောင်းသွားတာဖြစ်ပြီး ပရိသတ်တွေကလည်း မိသားစုတွေနဲ့ထပ်တူ ဝမ်းနည်းကြေကွဲနေကြတာ ဖြစ်ပါတယ်..။

ကျရာနေရာမှာ သဏ္ဍာန်လုပ်သရုပ်တူအောင် သရုပ်ဆောင်နိုင်ပြီး မျိုးဆက်သစ်အနုပညာရှင်တွေ လေးစားအတုယူရတဲ့ ဘဘဦးညွှန့်ဝင်းပြောခဲ့တဲ့ မှတ်သားစရာစကားလေးကိုလည်း သရုပ်ဆောင်တစ်ဦးဖြစ်တဲ့ ခြူးလေးက ပြန်လည်ပြောပြလာပါတယ်..။

ကိုယ့်ရဲ့ကြိုးစားအားထုတ်မှုတွေဟာ ပရိသတ်ရင်ထဲ အစစ်အမှန်ရောက်နိုင်မှ သရုပ်ဆောင်ကောင်းတစ်ယောက် ဖြစ်နိုင်တဲ့အကြောင်း လက်ဆင့်ကမ်းပြောပြခဲ့တာ ဖြစ်ပါတယ်..။

“ ကိုယ်က မျက်ရည်ကျ ပြရမှာထက် ပရိတ်သတ်ကို မျက်ရည်ကျအောင် လုပ် နိုင်မှ သရုပ်ဆောင်ကောင်းတစ်ယောက် ဖြစ်တာ “  ခေတ်အဆက်ဆက်အတွက် မှတ်သားထိုက်ပါတယ် ရှင် 

ကောင်းရာ ဘုံဘဝ ရောက်ပါစေ။ 

???.." ဆိုပြီး ခြူးလေးက ရေးသားပြောပြထားတာ ဖြစ်ပါတယ်..။

ခေတ်အဆက်ဆက် အနုပညာရှင်တွေအတွက် စံပြပုဂ္ဂိုလ်တစ်ယောက်ဖြစ်ခဲ့တဲ့ ဘဘဦးညွှန့်ဝင်းရဲ့ မှတ်သားစရာစကားလေးကတော့ မျိုးဆက်သစ်လူငယ်တွေအတွက်လည်း တကယ်ကို အကျိုးပြုစေမှာ အသေအချာပါပဲ..။

သတင်း အရင်းအမြစ်៖ Chue Chue's Fb Acc