ယနေ့မှာပြန်လွတ်လာတဲ့ အကျဥ်းသားတွေကို မိသားစုဝင်တွေက ဝမ်းသာအားရနဲ့ပြေးပြီး ပွေ့မဖက်သင့်တဲ့ အကြောင်းအရင်းကို ပြောပြလိုက်တဲ့ခေးဆက်သွင်

ယနေ့ဇွန်လ(၃၀)ရက်နေ့မှာတော့ မြန်မာနိုင်ငံအနှံ့မှာရှိတဲ့ အကျဥ်းထောင်တွေက အကျဥ်းသား(၂၀၀၀)ကျော်ခန့်လွှတ်ပေးမယ်ဆိုတဲ့ သတင်းတွေ လူမှုကွန်ယက်စာမျက်နှာထက်မှာ ထွက်ပေါ်လာခဲ့ပါတယ်။ အဆိုပါသတင်းတွေကြောင့် ပြည်သူတွေဟာ ဖမ်းဆီးထိန်းသိမ်းခံထားရတဲ့ သူတို့ရဲ့မိသားစုဝင်တွေ ပြန်လွတ်တဲ့အထဲပါမလားဆိုပြီး အကျဥ်းထောင်တွေရှေ့သွားရောက်စောင့်ဆိုင်းနေကြပါတယ်။ သရုပ်ဆောင်ခေးဆက်သွင်ကတော့ အကျဥ်းထောင်တွေရှေ့ သွားကြိုတဲ့ ပြည်သူတွေကို သတိပေးမှုတစ်ခုပြုလုပ်လာခဲ့ပါတယ်။

 ခေးဆက်သွင်တစ်ယောက်ကတော့ ယနေ့မှာပြန်လွတ်လာမယ့် အကျဥ်းသားတွေကို မိသားစုဝင်တွေက ဝမ်းသာအားရနဲ့ပြေးမဖက်သင့်တဲ့အကြောင်းအရင်းမှန်ကို ပြောပြလာခဲ့ပါတယ်။ အကျဥ်းထောင်ထဲမှာ ကိုဗစ်ကူးစက်မှုတွေရှိနေတာကြောင့် ပြန်လွတ်လာသူတွေနဲ့ လက်ဆွဲနှုတ်ဆက်တာတွေ၊ပွေ့ဖက်တာတွေမလုပ်ဖို့နဲ့ ပြန်လွတ်လာသူတွေရဲ့ အဝတ်အစားတွေကို ချက်ချင်းရေစိမ်ပြီး လျှော်ပစ်ဖို့ သူမက တိုက်တွန်းထားတာဖြစ်ပါတယ်။ သူမကတော့ အကျဥ်းထောင်တွေရှေ့ သွားကြိုမယ့်မိသားစုဝင်တွေကိုလည်း Maskတပ်ကြဖို့နဲ့ Hand Gelတွေဆောင်သွားကြဖို့ တိုက်တွန်းပြောဆိုထားခဲ့တာပဲဖြစ်ပါတယ်။

ခေးဆက်သွင်ကတော့ " ဒီနေ့ ဖမ်းဆီးခံထားရသူ (၂၃၄၁)ဦး လွတ်ပါမယ်တဲ့ သတိပေးချင်တာကကိုယ့်အိမ်သား ကိုယ့်သားကိုယ့်အဖေကိုယ့်သူငယ်ချင်းကိုယ့်ချစ်သူမို့.. တွေ့တာနဲ့ ပြေးပြီး ပွေ့တာ ဖက်တာ၊ လက်တွေဆွဲတာတွေ အတတ်နိုင်ဆုံးမလုပ်ကြဖို့ပါ။ကိုဘစ် ထောင်ထဲမှာ တော်တော်ဖြစ်နေပါတယ်။သတိချပ်ပါ။အိမ်ပြန်ရောက်တာနဲ့ ရေချိုးခေါင်းလျော် ဆပ်ပြာနိုင်နိုင်တိုက်ပါ။ထောင်ထဲက ပြန်ပါလာတဲ့အဝတ်အစား အကုန် ဆပ်ပြာနဲ့စိမ်ပါ။ ဆေးမကြောက်တဲ့ ငဘစ်ဟာ ဆပ်ပြာနဲ့ အရက်ပျံကြောက်ပါတယ်။ဖြစ်နိုင်ရင် တစ်ခန်းသီးသန့် ၂ပတ်ခန့်Qနေပေးပါ။ ဒီထိန်းသိမ်းခံလူတွေဟာလည်း ပြည်တော်ပြန်တွေလိုကိုဘစ်ပါလာနိုင်ပါတယ်။ပြည်တော်ပြန်တွေ Q သလို အိမ်မှာ သီးသန့် ၂ပတ်နေခြင်းဖြင့် ကိုယ့်မိသားစုကို စောင့်ရှောက်ကြပါနော်အခန်းသီးသန့်မရှိသူများအနေနဲ့လည်း အနည်းဆုံးဆပ်ပြာနိုင်နိုင်နဲ့ ရေချိုးခေါင်းလျော် အဝတ်တွေစိမ်တာတော့ လုပ်နိုင်ကြမှာပါသူတို့ ထွက်လာတာနဲ့ အနည်းဆုံး hand gel ဒါနပြုသလို သူတို့လက်ထဲဖြန်းပေးပြီးမှ လက်ကိုင်ကြပါနော်။Mask တွေကိုယ်တိုင်လဲ သေချာတပ် သူများတွေဝေငှဖို့လဲ ယူသွားကြပါ "ဆိုပြီး ရေးသားထားခဲ့ပါတယ်။

Source : khay sett thwin' s facebook acc