မီးလောင်ပျက်စီးသွားတဲ့ နေအိမ်တွေထဲမှာပါသွားခဲ့တဲ့ "ချည်"ဇာတ်ကားထဲက နေတိုး ၊ သက်မွန်မြင့်တို့ ဝတ်ဆင်ခဲ့တဲ့ ဒီးမော့ဆိုက ကယန်းရိုးရာ အထည်ဆိုင်လေး

ကယားပြည်နယ်အတွင်းရှိ ဒီးမော့ဆိုမြို့လေးမှာ ပြီးခဲ့တဲ့ လပိုင်းကနေစတင်ပြီး စစ်ကောင်စီတပ်တွေ နဲ့ ပြည်သူ့ကာကွယ်ရေး တပ်တွေအကြား ဖြစ်ပွားခဲ့တဲ့ တိုက်ပွဲတွေကြောင့် အပြစ်မဲ့ပြည်သူတချို့ သေဆုံးခဲ့ရသလို ထောင်ချီတဲ့ ဒေသခံတွေလည်း ဘေးလွတ်ရာသို့ ထွက်ပြေးတိမ်းရှောင်နေကြတာ တွေ့ရပါတယ်။ လက်ရှိမှာ စစ်ရဲ့ အနိဌာရုံခံစားနေရတဲ့ ဒီမော့ဆိုမြို့က နေအိမ်အများစုမှာလည်း သွေးပျက်စရာကောင်းအောင် မီးလောင်ပြိုကျ ပျက်စီးနေတာ တွေ့ရပါတယ်။

ဒါ့အပြင် တချို့နေရာတွေမှာ ရွာလုံးကျွတ် ထွက်ပြေးတိမ်းရှောင်နေရတာကြောင့် တိတ်ဆိတ်ပြီး မြို့ပျက်ကြီးသဖွယ်ဖြစ်နေတာ တွေ့ရပါတယ်။ ဒီလို မီးလောင်ပျက်စီးသွားတဲ့ နေအိမ်တွေထဲမှာတော့ "ချည်" ရုပ်ရှင်ဇာတ်ကြီး ရိုက်ကူးခဲ့စဥ်က နေအိမ်တချို့နဲ့ ဆိုင်ခန်းတွေလည်း ပါသွားခဲ့တယ်လို့ သိရပါတယ်။ မီးလောင်ပျက်စီးသွားခဲ့တဲ့ နေအိမ်နဲ့ ဆိုင်ခန်းလေးဟာ နေတိုးနဲ့ သက်မွန်မြင့်တို့ ဝတ်ဆင်ခဲ့တဲ့ ကယန်းရိုးရာအဆင်​လေး​တွေ ​ရောင်းတဲ့ "ကယန်းသဇင်"အထည်ဆိုင်​လေးပဲ ဖြစ်ပါတယ်။

"ချည်" ရုပ်ရှင်ဇာတ်ကားကြီးမှာ နေတိုး ၊ သက်မွန်မြင့် ၊ ရွှေသမီး စတဲ့ နာမည်ကြီး သရုပ်ဆောင်နဲ့ ရိုက်ကူးထားတာဖြစ်ပြီး ပရိသတ်တွေ သဘောကျခဲ့တဲ့ ဇာတ်ကားဖြစ်ပါတယ်။ယခုမှာလည်း "ကယန်းသဇင်"ဆိုင်လေး မီးလောင်မပျက်စီးခင်က နေတိုး ၊ သက်မွန်မြင့်တို့နဲ့ အမှတ်တရ ရိုက်ထားတဲ့ ပုံလေးတွေနဲ့ အတူ လက်ရှိ မီးလောင်ပျက်စီးထားတဲ့ စိတ်မကောင်စရာ ပုံရိပ်လေးတွေကတော့ လူမှုကွန်ယက်မှာ ပျံ့လာခဲ့ပါတယ်။ "ချည်" ဇာတ်ကားကို ကြည့်ဖူးတဲ့ ပရိသတ်တွေလည်း "ကယန်းသဇင်"ဆိုင်လေးရဲ့ လက်ရှိ အခြေအနေလေးကို စိတ်မကောင်းဖြစ်မိမယ်လို့လည်း ထင်မိပါတယ်။

သတင်း အရင်းအမြစ်៖ Source - Original Upload