အကြောင်းအမျိုးမျိုးကြောင့် မြန်မာပြည်ကိုပြန်လာလို့မရတဲ့အတွက် အိမ်ကိုလွမ်းနေတဲ့အကြောင်းဖွင့်ဟလာတဲ့ သူဇာ၀င့်လွင်

လတ်တလောမတည်ငြိမ်နေတဲ့အခက်အခဲအခြေအနေတွေကြားထဲကနေ မြန်မာနိုင်ငံကိုယ်စားပြု Miss Universeတစ်ယောက်အနေနဲ့ Miamiမှာ သွားရောက်ယှဉ်ပြိုင်ခဲ့တဲ့ အလှမယ် သူဇာ၀င့်လွင်ကို ပရိသတ်တွေလည်းသိကြမယ်ထင်ပါတယ်။ သူဇာ၀င့်လွင်ဟာ Miss Universeပြိုင်ပွဲကြီးမှာ ချင်းရိုးရာ၀တ်စုံလေး၀တ်ဆင်ကာ National Costumeအနေနဲ့၀င်ရောက်ယှဉ်ပြိုင်ခဲ့တာဖြစ်ပြီး ဆုရရှိခဲ့တဲ့အပြင် Top 21ထိ၀င်ခဲ့တဲ့ နိုင်ငံ့ဂုဏ်‌ဆောင်အလှမယ်လေးဖြစ်ပါတယ်။

သူဇာ၀င့်လွင်က လက်ရှိမြန်မာနိုင်ငံမှာဖြစ်ပေါ်နေတဲ့ အခြေအနေတွေနဲ့ပက်သက်ပြီး အားတက်သရော Speak outလုပ်ခဲ့သူတစ်ဦးလည်းဖြစ်ပြီး "Queen of Democracy" လို့တောင် တင်စားခေါ်ဝေါ်ရတဲ့ အလှမယ်တစ်ဦးဖြစ်ပါတယ်။ သူဇာ၀င့်လွင်ရော အစ်မဖြစ်သူမေရောပါ အရေးတော်ပုံကြီးအောင်မြင်ရေးမှာ တက်တက်ကြွကြွပါ၀င်ခဲ့ကြတာဖြစ်ပြီး မေကတော့ ၅၀၅(က)နဲ့ အမှုဖွင့်အရေးယူခံထားရတာကြောင့် ရှောင်တိမ်းနေရတာလည်းဖြစ်ပါတယ်။

သူဇာ၀င့်လွင်ကလည်း Miss Universeပြိုင်ပွဲကြီးမှာ မြန်မာနိုင်ငံအတွက် Speak outလုပ်ခဲ့တာကြောင့် အရေးယူခံရနိုင်တဲ့ ကောလဟာလသတင်းအချို့လည်းထွက်ပေါ်ခဲ့တဲ့အတွက် မြန်မာပြည်ကိုပြန်မလာတော့ပဲ နိုင်ငံရပ်ခြားမှာပဲနေထိုင်နေတာဖြစ်ပါတယ်။ အခုလိုအခြေအနေတွေကြောင့် သူဇာ၀င့်လွင်ကသူမရဲ့ Facebookစာမျက်နှာမှာ "အိမ်ကိုလွမ်းတယ် အရင်အချိန်လေးတွေလဲလွမ်းတယ်....." ဆိုပြီး သူမရဲ့ခံစားချက်လေးကို ရေးသားလာခဲ့ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်နော်။

သတင်း အရင်းအမြစ်៖ Thuzar Wint Lwin's Facebook acc