လက်ရှိဖြစ်ပေါ်နေတဲ့ မြန်မာ့အရေးကို ပြည်ပရောက် မြန်မာပြည်သူတွေကလည်း တက်တက်ကြွကြွ လူထုလှုပ်ရှားမှုတွေလုပ်ဆောင်နေသလို စစ်ဘေးရှောင်ပြည်သူများအတွက် အလှူငွေများ ကူညီထောက်ပံ့ပေးတာ တွေ့ရပါတယ်။ ယခုမှာလည်း ဂျပန်နိုင်ငံ တိုကျိုမြို့မှာ ဇွန်လ (၁၃)ရက်နေ့တွင် ဂျပန်ရောက်မြန်မာပြည်သူများက ဦးဆောင်ပြီး ကမ္ဘာလုံးဆိုင်ရာ မြန်မာ့နွေဦးတော်လှန်ရေးအတွက် ဆန္ဒထုတ်ဖော်ပွဲကို အောင်မြင်စွာ ကျင်းပခဲ့တယ်လို့ သိရပါတယ်။
ယင်း နွေးဦးတော်လှန်ရေး လမ်းလျှောက်ဆန္ဒထုတ်ဖော်ပွဲတွင် လူဦးရေ(၁၅၀) ကျော်လောက် ပါဝင်ခဲ့ပြီး TTAJ အဖွဲ့မှလည်း ပါဝင်အားဖြည့်ခဲ့တယ်လို့ သိရပါတယ်။ ဒါ့အပြင် မြန်မာ့အရေးအတွက် အင်တိုက်အားတိုက်ကြိုးပမ်းဆောင်ရွက်ပေးနေတဲ့ ဂျပန်အထက်လွှတ်တော်အမတ် Mr.Ishibashi နှင့် မြန်မာနိုင်ငံမှာဖမ်းဆီးခံရပြီး ပြည်နှင်ဒဏ်ပေးခံရတဲ့ ဂျပန်သတင်းထောက် Mr.Kitazumi တို့ကတောင် တက်ရောက်ခဲ့ပြီး မြန်မာပြည်သူတွေအတွက် အားပေးစကားပြောကြားခဲ့တယ်လို့ သိရပါတယ်။
ဒီလမ်းလျှောက် ဆန္ဒထုတ်ဖော်ပွဲမှာတော့ မြန်မာပြည်သူများဟာ NUG အစိုးရကို နိုင်ငံတကာက တရားဝင် အသိအမှတ်ပြုရန်၊ G7 Summit တွင် မြန်မာ့အရေးကို အလေးထားဆောင်ရွက်ပေးပါရန်စတဲ့ ဆိုင်းဘုတ်များကို ကိုင်ဆောင်ပြီး သံပြိုင်ကြွေးကြော်သံများနဲ့အတူ အရေးတော်ပုံအောင်နိုင်ရေးအတွက်ချီတက် ဆန္ဒထုတ်ဖော်ခဲ့တာဖြစ်ပါတယ်။ ဂျပန်ရောက် မြန်မာပြည်သူတွေရဲ့ လေးစားစရာ ဆန္ဒထုတ်ဖော်ပြသခဲ့တဲ့ မြင်ကွင်းကလည်း ပရိသတ်တွေအတွက် သဘောကျကျေနပ်မိမယ်လို့လည်း ထင်မိပါတယ်။
သတင်း အရင်းအမြစ်៖ Source - Original Upload
Bong I.T