နေထိုင်ရေးအဆင်ပြေပေမယ့် စားနပ်ရိက္ခာများလိုအပ်နေတဲ့ ဖလူးစစ်ဘေးရှောင် ပြည်သူများ

ကရင်ပြည်နယ် ၊ မြဝတီမြို့နယ်မှာရှိတဲ့ ဖလူးကျေးရွာမှာ ဇွန်လ (၁)(၂) ရက်နေ့တွင် စစ်ကောင်စီတပ် နှင့် လက်အောက်ခံ BGF ပူပေါင်းတပ်တွေ နဲ့ ခွဲထွက် DKBA တို့အကြား တိုက်ပွဲများဖြစ်ပွားခဲ့ပါတယ်။ ယင်းဖြစ်ပွားခဲ့တဲ့ တိုက်ပွဲများကြောင့် ဖလူးရွာ၊ ဖလူးလေးကျေးရွာ ၊ ရသေ့ဂူကျေးရွာ ၊ ဝေါလေမြိုင်မှာ နေထိုင်တဲ့ ဒေသခံပြည်သူ တစ်ထောင်နီးပါလောက်က နေအိမ်များကို စွန့်ခွာပြီး အနီးအနာရှိ လေးကေ့ကော်မြို့ နှင့် ထိုင်းဘက်သို့ ထွက်ပြေးတိမ်းရှောင်နေရကြောင်း သိရပါတယ်။

ယင်းစစ်ဘေးရှောင်များတွင် ကလေးသူငယ်များ ၊သက်ကြီးရွယ်အိုများ နှင့် နေမကောင်းတဲ့ သူများလည်းပါလာခဲ့ပြီး လေးကေ့ကော်မြို့လေးကို စစ်ဘေးရှောင်လာသူ ၃၀၀ ကျော်လောက်ရောက်ရှိနေတယ်လို့ သိရပါတယ်။ နေထိုင်ရေးအတွက် စာသင်ကျောင်းတွေမှာထားရှိပြီး လက်ရှိမှာ ၎င်းတို့အတွက် ဆန် ၊ အခြေခံစားသောက်ကုန်များ နဲ့ ကျန်းမာရေးစောင့်ရှောက်မှုများ လိုအပ်နေကြောင်း ကြားသိရပါတယ်။

လေးကေ့ကော် စစ်ရှောင်စခန်းကို မြဝတီမြို့က စေတနာရှင်တွေကလည်း လိုအပ်တာတွေ လာရောက်လှူဒါန်းတာရှိပါတယ်။ ဇွန်လ (၁) (၂)ရက်တွေမှာ တိုက်ပွဲတွေပြင်းထန်ပေမယ့် ယနေ့ဇွန်လ (၃)ရက်နေ့မှာတော့ ဖလူးဒေသမှာ ပစ်ခတ်မှုတွေ သိပ်မရှိတော့ပဲ အခြေအနေ ငြိမ်သက်နေတယ်လို့ သိရပါတယ်။ တိုက်ပွဲတွေကြောင့် ခက်ခဲမှုတွေနဲ့ ထွက်ပြေးတိမ်းရှောင်လာရတဲ့ ပြည်သူများကို စားနပ်ရိက္ခာတွေ အမြန်ရရှိအောင် ပရိသတ်တွေက ဆုမွန်ကောင်းလေးတောင်းပေးလိုက်ပါဦး။

သတင်း အရင်းအမြစ်៖ Source - Original Update