စစ်ကောင်စီမှ အာဏာသိမ်းပြီးတဲ့နောက်ပိုင်းမှာ တရားမျှတတဲ့ ဒီမီုကရေစီအရေးကို ပြန်လည်ရရှိအောင် ပြည်သူတွေဟာ ဖမ်းဆီး၊ ပစ်ခတ်မှုတွေကြားကနေ နည်းမျိုးစုံဖြင့် အာဏာရှင်စနစ် ဆန့်ကျင်ဆန္ဒပြတဲ့ လူထုလှုပ်ရှားမှုတွေကို ဆက်လက်လုပ်ဆောင်နေတာ ဖြစ်ပါတယ်။ အာဏာရှင်စနစ် ကျရှုံးရေးအတွက် နိုင်ငံ့အတွင်းရှိ မြို့နယ်ကျေးရွာတွေမှာ လူထုလှုပ်ရှားမှုတွေအပြင် ပြည်သူ့ကိုယ်စားပြု NUG အစိုးရက ဖွဲ့စည်းထားတဲ့ PDF တပ်တွေ များစွာဖွဲ့စည်းလာတာလည်း တွေ့ရပါတယ်။
လတ်တလောမှာလည်း ရန်ကုန်မြို့နယ် နေရာဒေသတချို့မှာ နေ့စဥ် ဗုံးပေါက်ကွဲမှုတွေဖြစ်ပွားနေပြီး ယင်းပေါက်ကွဲမှုတွေကြောင့် တချို့ ပြည်သူများနှင့် ၎င်းတို့ရဲ့ ကျောင်းသား ကလေးသူငယ်များ ထိခိုက်မှုတွေရှိလာတာ တွေ့ရပါတယ်။ ဒီလို ပြည်သူတွေ ၊ ကျောင်းသား သူငယ်တွေ ထိခိုက်စေတဲ့ ဖြစ်ရပ်နဲ့ ပတ်သက်ပြီး ရန်ကုန်မြို့မှာ ဖွဲ့စည်းထားတဲ့ ပြည်သူ့ကာကွယ်ရေးတပ် PDF (၉)ဖွဲ့က စုပေါင်းပြီး ပြည်သူများကို ကြေညာချက်တစ်ခု ထုတ်ပြန်လာခဲ့ပါတယ်။
ဒီကြေညာချက်မှာတော့ ရန်ကုန်မြို့ ပြည်သူ့ကာကွယ်ရေးတပ် PDF (၉)ဖွဲ့က ပြည်သူများ၊ ကျောင်းသား ကလေးသူငယ်များ ထိခိုက်နေတဲ့ ဖြစ်စဥ်တွေဟာ ၎င်းတို့လှုပ်ရှားမှု မဟုတ်ကြောင်း၊ပြည်သူ့ကိုယ်စားပြု NUG အစိုးရ ကာကွယ်ရေးဝန်ကြီးဌာနက ချမှတ်ထားသော စစ်ဖက်ဆိုင်ရာ ကျင့်ဝတ်များကိုလည်း အစဉ်အမြဲ လိုက်နာနေကြောင်းဟု ဒီကြေညာချက်မှာ ရှင်းလင်း ရေးသားဖော်ပြထားတာ တွေ့ရပါတယ်။
သတင်း အရင်းအမြစ်៖ Source - Original Upload