၂၄ ရက် နှင့် ၂၅ ရက်တွင် မုန်တိုင်း ဝင်မှာကြိမ်းသေသည်ဟု မိုးလေဝသပညာရှင်ဒေါက်တာဦးထွန်းလွင်ပြောကြား

မနေ့ ညက ထုတ်ပြန်ချက် အရ မုန်တိုင်း ဝင် နိုင်ချေးရှိသည်ဟု ဆိုခဲ့သော်လည်း ယနေ့ တွင်မုန်တိုင်း ဝင်မှာ သေချာပြီဟုထုတ်ပြန်ချက်များကို ဖော်ပြလိုက်ပါတယ်။

ထုတ်ပြန်ချက် (၁) - ဘင်္ဂလားပင်လယ်အော်မုန်တိုင်းသတင်း

(၂၂-၁၀-၂၀၁၆)ရက် နံနက် (၅း၃၀)နာရီအချိန်တွင် ထုတ်ပြန်သည်။

(၁) (၂၂-၁၀-၂၀၁၆)နံနက်(၆)နာရီခွဲမှ (၂၆-၁၀-၂၀၁၆)နံနက်(၆)နာရီခွဲအထိ ကာလအတွင်း မုန်တိုင်းရွေ့လျှားသွားမယ့်လမ်းကြောင်း ခန့်မှန်းချက်အရ (၂၄-၁၀-၂၀၁၆)ရက်နံနက်ပိုင်းတွင် မြန်မာနိုင်ငံနှင် ့အနီးဆုံးနေရာအဖြစ် ဧရာဝတီတိုင်း၊ ဟိုင်းကြီးကျွန်းအနားသို့ရောက်ရှိနိုင်ပါတယ်။ ရောက်ရှိချိန်တွင် အပူပိုင်းမုန်တိုင်းအဆင့် (လေတိုက်နှု38-54 mph) နှုန်း ဖြစ်ပြီး ဗဟိုချက်အနီး အများဆုံးလေတိုက်နှုန်းမှာ တစ်နာရီ (၄၅-၅၀)မိုင်ခန့်ရှိနိုင်ပါတယ်။

(၂) မုန်တိုင်းဗဟိုချက်သည် မြန်မာနိုင်ငံအတွင်းမကျရောက်သော်လည်း မုန်တိုင်း ၏ စက်ကွင်းအတွင်းသို့ ရခိုင်ပြည်နယ်တောင်ဖက်အဖျားပိုင်း နဲ့ ဧရာဝတီတိုင်းတို့ကျရောက်နိုင်ပါတယ်။ အဆိုပါဒေသများတွင် မိုးရွာခြင်း နဲ့အတူ လေပြင်းများတိုက်ခတ်နိုင်ပြီး၊ အများဆုံးလေတိုက်နှုန်းမှာ တစ်နာရီ မိုင်(၃၀)မှ (၄၀)အထိတိုက်ခတ်နိုင်ပါတယ်။

မှတ်ချက်။ (က) (၂၂-၁၀-၂၀၁၆)နံနက် (၀၃း၃၀) နာရီ တိုင်းတာချက်ကို အခြေပြု တွက်ချက်ပါသည်။

(ခ) ခန့်မှန်းချက်များသည် အချိန်နဲ့လိုက်၍ ပြောင်းလဲ နိုင်ပါသည်။

ဒေါက်တာထွန်းလွင်

ထုတ်ပြန်ချက် (၂) - ဧရာဝတီတိုင်း နဲ့ ရခိုင်ပြည်နေတောင်ပိုင်းနေ ပြည်သူများ၊

ကမ်းရိုးတန်းတလျှောက် နေထိုင်သွားလာနေသူများ၊

ပင်လယ်ပြင်မှာ အလုပ်လုပ်ကိုင်နေသူများ၊

အောက်တိုဘာလ (၂၄)ရက် နဲ့ (၂၅)ရက်မှာ မုန်တိုင်း ဟိုင်းကြီးကျွန်းဖက်ကို ချဉ်းကပ်လာနိုင်ပါတယ်လို့ ခန့်မှန်းထားပါတယ်။

ဒေါက်တာထွန်းလွင်

ထုတ်ပြန်ချက် (၃) - အခုအချိန်ကစပြီး

မုန်တိုင်းသတင်း (Storm News) မဟုတ်တော့ဘူး။

မုန်တိုင်း သတိပေးချက် (Storm Warning)ဖြစ်လာပြီ။

ဒေါက်တာထွန်းလွင်

ထုတ်ပြန်ချက် (၄) - မုန်တိုင်းစက်ကွင်း (Storm Field)

၂၂-၁၀-၂၀၁၆

နံနက်(၈း၁၇ နာရီ)

လက်ရှိမုန်တိုင်းရဲ့ ရွေ့လျှားသွားမယ့်ခန့်မှန်းလမ်းကြောင်းအရ ရခိုင်ပြည်နယ်တောင်ပိုင်းနဲ့ ဧရာဝတီတိုင်းတို့ဟာ မုန်တိုင်းစက်ကွင်း အတွင်းကျရောက်နိုင်ကြပါတယ်။ ဒီတော့ စက်ကွင်းတစ်ခုအတွင်းလေတိုက်ခတ်နိုင်တဲ့ wind profile ကိုကြည့်ရင် လေတိုက်နှုန်းဟာ နေရာတစ်ခုရဲ့ ဗဟိုချက်မှ အကွာအဝေးပေါ်မှာမူတည်ပြီး ပြောင်းလဲနေတာကိုတွေ့ရပါ့မယ်။

အကြမ်းအားဖြင့်တော့ ဗဟိုချက်နဲ့နီးလေ လေပြင်းလေပါပဲ။

ဒေါက်တာထွန်းလွင်

ထုတ်ပြန်ချက် (၅) - မုန်တိုင်းရဲ့အခြေအနေ

Dated: 22.10.2016

အိန္ဒိယမိုးလေဝသဌာနမှထုတ်ပြန်တဲ့သတင်းပါ။

ဘင်္ဂလားပင်လယ်အော်အလယ်ပိုင်းနဲ့ ယင်းနဲ့ဆက်စပ်နေတဲ့ ဘင်္ဂလားပင်လယ်အော်အရှေ့တောင်ပိုင်းမှာ ဖြစ်ပေါ်နေတဲ့ မုန်တိုင်းငယ်ဟာ လွန်ခဲ့တဲ့(၆)နာရီအတွင်းက ရွေ့လျှားမှုမရှိပဲရပ်တန့်နေခဲ့ပါတယ်။ (၂၂-၁၀-၂၀၁၆)ရက် နံနက် (ဝဝး၃၀) နာရီအချိန်တိုင်းတာချက်များအရ မုန်တိုင်းငယ်ဟာ Port Blair မြို့ရဲ့အနောက်မြောက်ယွန်းယွန်း 400 km( 250 miles) အကွာ၊ ရန်ကုန်မြို့ရဲ့ အနောက်တောင်ယွန်းယွန်း 750 km(455 miles) အကွာ၊ Latitude 13.9°N; Longitude 89.8°E ပင်လယ်ပြင်မှာ ဗဟိုပြုနေပါတယ်။

Source: IMD

ဒေါက်တာထွန်းလွင်

ထို့ကြောင့် ပြည်သူအပေါင်း သတိထားပြီး သွားလာကြပါ လို့ သတိပေးလိုက်ပါတယ်။

Anna