အချိန်ခဏလေးအတွင်းမှာ ချက်ချင်းလူအုပ်ကြီးစုဝေးကာ ပြေးရင်းလွှားရင်းဆန္ဒပြနေကြတဲ့ ရန်ကုန်မြို့တစ်နေရာရှိသပိတ်မြင်ကွင်းဗီဒီယို

ဒီကနေ့ မေလ(၁၅)ရက်နေ့မှာဆိုရင်လည်း ဒီမိုကရေစီလိုလားနေကြတဲ့ ပြည်သူတွေဟာ ဖိနှိပ်ဖြိုခွင်းမှုတွေကြားထဲကနေ ဆန္ဒထုတ်ဖော်မှုတွေကို ဒေသအသီးသီးမှာပြုလုပ်နေကြတာဖြစ်ပြီး ဖြိုခွင်းမှုတွေနဲ့ ဆက်တိုက်တွေ့ကြုံနေကြရတာဖြစ်ပါတယ်။ ဖြိုခွင်းမှုတွေရှိနေပေမယ့်လည်း မြန်မာနိုင်ငံဒေသအသီးသီးရှိပြည်သူတွေဟာ ရရာနည်းနဲ့ နေ့စဉ်မပြတ်သပိတ်စစ်ကြောင်းတွေ ထွက်နေကြတာကို ပရိသတ်တွေလည်းတွေ့မြင်နေကြရတာဖြစ်ပါတယ်။

လူထုဆန္ဒပြပွဲတွေဟာလည်း ရက်ပေါင်း (၁၀၀)ကျော်ကြာမြင့်နေပြီဖြစ်ပြီး ဖိနှိပ်ဖြိုခွင်းမှုတွေဟာလည်း နေ့စဉ်ရက်ဆက်တွေ့ကြုံနေကြရတာပါ။ အခုလို ဖိနှိပ်မှုတွေကြားကနေ ရန်ကုန်မြို့ရှိ ပြည်သူတွေဟာ ယနေ့ မေလ(၁၅)ရက်နေ့မှာလည်း ပြောက်ကျားသပိတ်ထပ်မံပြုလုပ်ခဲ့ကြတာဖြစ်ပါတယ်။ ရန်ကုန်ပြည်သူတွေဟာ "တစ်ယောက်ထရင် အကုန်ကြွ ငါတို့သာကေတ" ဆိုတဲ့ ဆိုင်းဘုတ်ကိုင်ဆောင်ကာ ဆန္ဒထုတ်ဖော်ခဲ့ကြတာဖြစ်ပါတယ်.....။

အခုလို ရန်ကုန်ပြည်သူတွေရဲ့ ဆန္ဒထုတ်ဖော်မှုမြင်ကွင်းဗီဒီယိုလေးဟာ Facebookမှာလည်း ပျံ့နှံ့လာတာဖြစ်ပြီး အားတက်စရာကောင်းလှတဲ့ ကြွေးကြော်သံတွေနဲ့အတူ ပြည်သူတွေရဲ့စည်းလုံးမှုအင်အားကိုလည်း အထင်းသားမြင်တွေ့ရတာဖြစ်ပါတယ်။ ကဲ......ပရိသတ်တွေအတွက် ပြန်လည်မျှဝေပေးလိုက်ပါတယ်နော်။

သတင်း အရင်းအမြစ်៖ Ro Nay San Lwin's Facebook acc