ခိုင်မီးအိမ် စာကြည့်တိုက်လေးမှာစာအုပ်လေးတွေသွားရောက်အားဖြည့်ရင်း လှူဒါန်းနိုင်ကြောင်းကိုပါအသိပေးလာတဲ့ခိုင်နှင်းဝေ

ဇာတ်ကားတွေများစွာ ရိုက်ကူးထားပြီး ပရိသတ်အခိုင်အမာနဲ့ အောင်မြင်မှုတွေရရှိထားတဲ့ အနုပညာရှင်အဖြစ် ရပ်တည်လျှောက်လှမ်းနေသလို လှူဒါန်းမှုတွေကိုလည်း အင်တိုက်အားတိုက် ပြုလုပ်နေသူကတော့ မင်းသမီးချောခိုင်နှင်းဝေပဲ ဖြစ်ပါတယ်။ ခိုင်နှင်းဝေကတော့ မိဘမဲ့ဂေဟာကိုလည်း တည်ထောင်ထားတဲ့အပြင် အခက်အခဲတွေနဲ့ အဘက်ဘက်က လိုအပ်နေကြတဲ့ ပြည်သူတွေအတွက်လည်း တတ်နိုင်သလောက် ဖေးမကူညီနေတာဖြစ်ပါတယ်နော်.....။

အခုလိုအဘက်ဘက်ကနေ ကူညီလှူဒါန်းနေတဲ့ခိုင်နှင်းဝေဟာ ခိုင်မီးအိမ်စာကြည့်တိုက်လေးကိုလည်း တည်ထောင်ထားတာဖြစ်ပြီး ကလေးတွေအတွက် တတ်နိုင်တဲ့ဘက်ကနေ အားဖြည့်ပေးနေတဲ့သူတစ်ယောက်ဆိုလည်းမမှားပါဘူး။ မကြာသေးမီကတော့ ခိုင်နှင်းဝေဟာ သူမရဲ့ Facebookစာမျက်နှာမှာ "ခိုင်မီးအိမ်" စာကြည့်တိုက်လေး သို့ လှူဒါန်းပေးထားသော စာအုပ်များ သွားရောက် ဖြည့်ဖြစ်ခဲ့ပါတယ်....။

"အောင်ဇေယျာမင်း" ပရဟိတ စာသင်တိုက် ကြီးမှာ တက်ရောက်တဲ့ကလေး ထောင်ကျော် ရှိပါတယ်..စာကြည့်တိုက်လေး ရှိတဲ့ အတွက် ကလေးတွေ အဆင်ပြေပြီး အဝေးကြီးမှာ သွား ဌားစရာ မလိုတော့ပါဘူးရှင်..ကျမရဲ့ စာကြည့်တိုက်လေးသို့ စာအုပ်များ လဲ ဆက်သွယ် လှူဒါန်းပေးနိုင်ကြောင်း နိဗ္ဗာန်ဆော်လေး လုပ်ပါရစေရှင်..❤️(ကျောင်းစိမ်းနှင့် ကလေးပုံများမှာ အရင်နှစ်က ဖြစ်ပြီး ကျမပုံကတော့ ဒီနေ့ပုံ ဖြစ်ပါတယ်..)...." ဆိုပြီးရေးသားမျှဝေထားခဲ့တာပါ။ပရိသတ်တွေအတွက်လည်း ပြန်လည်ဖော်ပြပေးလိုက်ရပါတယ်နော်။

သတင်း အရင်းအမြစ်៖ Khine Hnin Wai's Facebook acc