မြန်မာနိုင်ငံတွင် ဖြစ်ပေါ်နေတဲ့ လူထုလှုပ်ရှားမှုတွေကတော့ ယနေ့ချိန်ထိ အသက်ဝင်လှုပ်ရှားနေကြဆဲ ဖြစ်ပါတယ်။လူငယ်တွေကလည်း နေ့စဉ်ရက်ဆက် လမ်းပါ်ထွက်ကာ ပြောက်ကျား သပိတ်များတွင် ပါဝင်နေကြတာကို မြင်တွေ့ရသည်မှာ အားစရာကောင်းလှပါတယ်။ သရုပ်ဆောင် ဘုန်းဆက်သွင်ကလည်း ပုဒ်မ ၅၀၅ (က) ဖြင့် တရားစွဲဆိုခံထားရပေမယ့်လည်း အခုချိန်ထိ ပြည်သူတွေနဲ့အတူ လူထုလှုပ်ရှားမှုတွေမှာ တက်ကြွစွာ ပူးပေါင်းပါဝင်အားဖြည့်ပေး နေတာ ဖြစ်ပါတယ်။
ဒါ့အပြင် သူ့ရဲ့ လူမှုကွန်ယက်များမှတစ်ဆင့် လက်ရှိဖြစ်ပျက်နေတဲ့ သတင်းအချက်အလက်တွေကို အချိန်နဲ့တစ်ပြေးညီ တင်ပေးနေတာ ဖြစ်ပါတယ်။ ပရိသတ်တွေကလည်း ပြည်သူတွေနဲ့အတူ တစ်သွေးတည်း တစ်သားတည်းရပ်တည်ပေးခဲ့တဲ့ ဘုန်းဆက်သွင်ရဲ့ စိတ်ဓာတ်ကို လေးစားဂုဏ်ယူနေ့ကတာ ဖြစ်ပါတယ်။ ဒီနေ့ကတော့ " ကြယ် " လို့ အမည်ရတဲ့ ကမ်ပိန်းလေးကို လုပ်ဆောင်ကြမှာ ဖြစ်ပါတယ်။
ဒီကမ်ပိန်းကတော့ အများပြည်သူတွေရဲ့ မျှော်လင့်ချက်တွေအတွက် ရှေ့တန်းကနေ ကြိုးစားပေးနေကြသူတွေအားလုံးကို ဂုဏ်ပြုတဲ့ စာသားများ ရေးသားကာ လူမှုကွန်ယက်တွင် တင်ကြရမှာ ဖြစ်ပါတယ်။ ဘုန်းဆက်သွင်ကလည်း " ကြယ်?
အများပြည်သူအတွက် ကြိုးစားပေးနေကြတဲ့
တောထဲကသတ္တိခဲလေးတွေက
ပြည်သူ့မျှော်လင့်ချက် ကောင်းကင်မှာ
တစ်လက်လက် တောက်ပနေတဲ့
ကြယ် လေးတွေပါပဲ
ငါတို့ပန်းတိုင်ကို မြင်ရဖို့ လမ်းပြပေးတဲ့ ကြယ်
ငါတို့အိမ်မက်တွေတည်ဆောက်ဖို့စတေးပေးခဲ့တဲ့ ကြယ် နေရောင်ခြည် ထက်ပိုလင်းတဲ့ ကြယ်
စာသားများကို Credit ပေးပါတယ်
တောထဲက (PDF)ညီအကိုမောင်နှမ သတ္တိ ခဲများကို
လေးစားဂုဏ်ယူလျက်
???ဒီနေ့ကမ်ပိန်းလေးကိုပါဝင်ပေးကြပါခင်ဗျာအရေးတော်ပုံ အောင်ရမည် ??? " ဆိုပြီး ရေးသားထားတာ ဖြစ်ပါတယ်။ ဒီညမှာလည်း အမှောင်မိုက်ဆုံးညကို တော်လှန်မယ့် ဒုတိယအကြိမ်မြောက် Flash Strike လှုပ်ရှားမှုကို ည (၉) နာရီတိတိတွင် ပြုလုပ်မှာဖြစ်တာကြောင့် ပြည်သူတွေအားလုံးလည်း ပါဝင်ကြဖို့ တိုက်တွန်းလိုက်ပါရစေနော်။
Source and Photo Crd-Phone Sett Thwin’s Facebook Account