မြန်မာပြည်သူပြည်သားများ အားလုံးကတော့ ယခုအချိန်မှာဆိုရင် ပြည်သူလူထုအချင်းချင်းကပဲ အသက်ပေးပြီး ကာကွယ်စောင့်ရှောက်ပေးနေကြတာကို လေးစားဖွယ် တွေ့မြင်နေရတာ ဖြစ်ပါတယ်။လူထုလှုပ်ရှားမှုမှာ ပါဝင်ရင်း မမျှော်လင့်ပဲ ကျဆုံးသွားရတဲ့ အာဇာနည် သူရဲကောင်းတွေကလည်း အများအပြား ရှိလာနေတာကြောင့် အသက်ပေးသွားရတာနဲ့ တန်အောင် နေ့စဉ်ရက်ဆက် မမောမပန်းနိုင်ဘဲ ဆက်လက် လှုပ်ရှားနေကြဆဲ ဖြစ်ပါတယ်။
ပြည်သူတွေက လူထုလှုပ်ရှားမှုတွေကို နည်းလမ်းအမျိုးမျိုးနဲ့ ပြုလုပ်ခဲ့ကြတာ ဖြစ်ပြီး မျိုးဆက်သစ် လူငယ်လေးတွေကလည်း ထီထွင်ကြံဆကာ သူတို့ရဲ့ ရင်တွင်းခံစားချက်တွေကို ထုတ်ဖော်ပြသနေကြတာ ပဲဖြစ်ပါတယ်။စည်းလုံးညီညွှတ်စွာနဲ့ တရားမျှတတဲ့ ဒီမိုကရေစီရရှိရေးအတွက် ကြိုးစားနေကြတာဆိုရင် ရက်ပေါင်း (၉၆)မြောက် ရှိနေပြီ ဖြစ်ပါတယ်။ဒုတိယအကြိမ် ပြန်လည်အသက်ဝင်လာတဲ့ နွေဦးတော်လှန်ရေးကြီးက လက်ရှိမှာတော့ ပိုမို အားကောင်းလာတာကို အားရဖွယ်တွေ့မြင်ရပါတယ်။
ဒီရက်ပိုင်းမှာတော့ နေ့စဉ်ရက်ဆက် မြို့နယ်အသီးသီးမှာ တော်လှန်ရေးကြီးကို ပြုလုပ်နေကြတာ ဖြစ်ပြီး ဒီကနေ့မှာဆိုရင် မြိုင်မြို့ရဲ့ ကျောင်းသား ကျောင်းသူလေးတွေက အာဏာရှင် လက်အောက်မှာ ပညာရေးအလိုမရှိကြောင်းကို ဆန္ဒထုတ်ဖော်ခဲ့ကြတဲ့ မြင်ကွင်းတွေကို ပရိသတ်တွေ အတွက် မျှဝေပေးလိုက်ပါတယ်။သူတို့ရဲ့ အနာဂတ်အတွက် အန္တရယ်တွေကြားမှာ ဆန္ဒထုတ်ဖော်နေကြတဲ့ ကလေးတို့ရေ ဘေးကင်းကြပါစေနော်.....???