လက်ရှိဖြစ်ပေါ်နေတဲ့အခြေအနေကတော့ တစ်လပြီးတစ်လကုန်ဆုံးသွားပေမယ့် ပြည်သူတွေရဲ့ ဇွဲ၊လုံ့လ၊ဝီရိယတို့ကို ယနေ့အချိန်ထိ တွေ့မြင်နေရဆဲဖြစ်ပါတယ်။ဒီနေ့အချိန်ထိဆိုရင် လူထုလှုပ်ရှားမှူမှာပါဝင်ရင်း အသက်ပေးသွားရတဲ့သူရဲကောင်းတွေလည်း အယောက်(၈၀၀)ကျော်နေပြီဖြစ်သလို ဖမ်းဆီးခံရတဲ့ပြည်သူတွေလည်း မရေမတွက်နိုင်အောင်ရှိနေပြီဖြစ်ပါတယ်။တချို့မိဘတွေခမျာ မိမိတို့ရဲ့သားသမီးလေးတွေ ဖမ်းဆီးခံရလို့ နေ့ညမရွေး စိုရိမ်ပူပန်နေရတာဖြစ်ပါတယ်။
(၂၇.၃.၂၀၂၁)ရက်နေ့ကဆိုရင်လည်း မကွေးမြို့မှာပြုလုပ်ကြတဲ့ လူထုလှုပ်ရှားမှုမှာ ပါဝင်ရင်း အင်အားသုံးဖြိုခွင်းမှုတွေကြောင့် ကိုလျှံဖြိုးအောင်ခမျာ ဒဏ်ရာတွေလည်းရရှိခဲ့ပြီး ဖမ်းဆီးခံသွားရတာဖြစ်ပါတယ်။မေလ(၆)ရက်နေ့မှာတော့ ကိုလျှံဖြိုးအောင်ရဲ့ ရုံးချိန်းနေ့ဖြစ်ပြီး ပြည်သူလူထုကလည်း သူ့အတွက် Speak Out များများလုပ်ပေးနေကြတာဖြစ်ပါတယ်။ကိုလျှံဖြိုးအောင်ကတော့ သူ့ရဲ့လက်တစ်ဖက်ဖြတ်ပစ်ခဲ့ရရုံမကဘဲ မျက်လုံးတစ်ဖက်ကိုပါဆုံးရှုံးသွားခဲ့ရတာဖြစ်ပါတယ်။
ကိုလျှံဖြိုးအောင်ရဲ့ လက်ရှိအခြေအနေကတော့ မျက်လုံးတစ်ဖက်ဆုံးရှုံးထားပြီး ညာဘက်လက်ဖြတ်ထားရတဲ့အပြင် ဘယ်ဘက်လက်ကလည်းကျိုးပြီး ရာဘာကျည်သုံးချက်ထိထားတာဖြစ်ပါတယ်။ဒါ့အပြင် သူ့ရဲ့ခြေထောက်နှစ်ဖက်ကိုလည်း ရာဘာကျည်တွေအများအပြားထိထားတာကြောင့်လောလောဆယ်အနာမကျက်သေးတာဖြစ်ပါတယ်။ပြည်သူတွေကလည်း ကိုယ်လက်အင်္ဂါတွေပါဆုံးရှုံးထားရတဲ့ လူငယ်လေးကိုလျှံဖြိုးအောင်အတွက် စိတ်မကောင်းဖြစ်ရပြီး ဝိုင်းဝန်းဆုတောင်းပေးနေကြတဲ့အကြောင်းလေးကို ပြန်လည်မျှဝေပေးလိုက်ပါတယ်။
Source&Photo Credit: Original Uploder