ပြည်သူနဲ့တစ်သားတည်းရပ်တည်ခဲ့တဲ့ အနုပညာရှင်မင်းမော်ကွန်းဟာ လတ်တလောမှာတော့ မိသားစုနဲ့ ခတ္တခွဲခွာနေရပြီး ဘေးကင်းရာမှာရှောင်နေခဲ့ပါတယ်။ တစ်သက်လုံးအတူတူနေလာ တဲ့ မိသားစုလေးကိုသတိရပေမယ့်လည်း အနားမှာမရှိနိုင်တာကြောင့် လေလှိုင်းပေါ်ကပဲ ဗီဒီယိုကောလေးနဲ့ အလွမ်းဖြေနေခဲ့ရပါတယ်။ ချစ်ရတဲ့အငယ်ဆုံးလေး သားဘုန်းနဲ့ ဗီဒီယိုကောပြောထားတဲ့ အမှတ်တရပုံလေးကို သူ့ရဲ့ ဖေ့ဘွတ်မိုင်ဒေးမှာတင်ပြီး ဖခင်တစ်ယောက်ရဲ့ ချစ်ခြင်းမေတ္တာကို ပေါ်လွင်စေခဲ့ပါသေးတယ်။ သားဘုန်းလေးကလည်း ဖေဖေနဲ့တွေ့ရလို့ အရမ်းကိုပျော်နေတဲ့ပုံပါပဲ။

Photo Credit - Kyaw Kyaw Htay Lwin's FB Acc

ဖခင်ဖြစ်သူဦးဇင်ဝိုင်းကိုယ်တိုင်ကလည်း သားသမီးအတွက်မျက်နှာမငယ်ရတဲ့ အဖေကောင်းတစ်ယောက် ဖြစ်ပေးခဲ့သလို ကိုယ်တိုင်လည်း ဒီလိုဖခင်တစ်ယောက်ဖြစ်ဖို့အတွက် ရပ်တည်မယ်ဆိုတဲ့အကြောင်းကို လည်း သူ့ရဲ့လူမှုကွန်ယက်ကနေ ရဲရဲဝံ့ဝံ့ပြောပြလာခဲ့ပါတယ်။ ဒီလိုရပ်တည်ချက်ပြတ်သားတဲ့ဖခင်ကို သမီးဖြစ်သူ လေပြေသွေးက အစစအရာရာဂရုစိုက်ဖို့ မှတ်ချက်ဝင်ပေးခဲ့ပါသေးတယ်။ သားသမီးတွေကို မျက်နှာမငယ်စေတဲ့ ဖခင်တစ်ယောက်ရဲ့ မှန်ကန်တဲ့လုပ်ရပ်ကြောင့် ပရိသတ်တွေကလည်း အရင်ကထက်ပိုပြီး လေးစားချစ်ခင်လာခဲ့ပါတယ်။

Photo Credit - Kyaw Kyaw Htay Lwin's FB Acc
Photo Credit - Kyaw Kyaw Htay Lwin's FB Acc

ဦးဇင်ဝိုင်းဖမ်းဆီးခံခဲ့ရပြီးနောက်မှာ ကိုကျော်လည်းဘေးလွတ်ရာကိုပြောင်းခဲ့ပြီး လက်ရှိမှာတော့ လုံခြုံတဲ့ နေရာတစ်ခုမှာ ပရိသတ်တွေရဲ့တစ်သားတည်းရပ်တည်ရင်း ရင်ထဲကဆန္ဒတွေကိုဖော်ထုတ်နေဆဲပါပဲ။ ဇနီးနဲ့ သားသမီးသုံးယောက်လုံးရဲ့မျက်နှာကို မငယ်စေတဲ့အပြင် ဖခင်ဖြစ်သူအတွက်လည်း ဂုဏ်ယူရတဲ့ သားတစ်ယောက်ဖြစ်စေခဲ့ပါတယ်။ မိသားစုတွေအမြန်ဆုံးပြန်လည်ဆုံဆည်းပြီး အရင်လိုပျော်စရာအချိန်လေးတွေ ဖန်တီးနိုင်ပါစေလို့ ဆုတောင်းပေးလိုက်ပါတယ်။

Photo Credit - Kyaw Kyaw Htay Lwin's FB Acc

သတင်းအရင်းမြစ်: Kyaw Kyaw Htay Lwin's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။