မြန်မာပြည်သူလူထုကတော့ ကိုဗစ်ကာလကတည်းက ဝင်ငွေနည်းပါးတာကြောင့် တစ်နေ့တာထွက်ငွေကိုလည်းသေချာစိစစ်ပြီးသုံးစွဲနေကြတာဖြစ်ပါတယ်။ဒါ့အပြင်လည်း ဒီလိုအချိန်မှာ မိမိတို့ထက် ကျပ်တည်းနေကြတဲ့သူတွေကို တတ်နိုင်သလောက် ကူညီလှူဒါန်းပေးနေကြတာဖြစ်ပါတယ်။တစ်နေ့လုပ်မှတစ်နေ့စားရတဲ့ ပြည်သူတွေကလည်း မိသားစုရဲ့စားဝတ်နေရေး၊ကျန်းမာရေးတို့အတွက် လမ်းမပေါ်ထွက်ပြီး တစ်နိုင်တစ်ပိုင် စီးပွါးရေးလေးတွေလုပ်ဆောင်နေရတာဖြစ်ပါတယ်။
မိသားစုရဲ့စားဝတ်နေရေးအတွက် လမ်းပေါ်မှာ မုန့်ဖက်ထုတ်၊ဖရဲသီး၊ရေခဲချောင်း၊ပန်း စတာလေးတွေကို ရောင်းချနေကြတဲ့ ကလေးငယ်အများအပြားကိုလည်း တွေ့မြင်နေရတာဖြစ်ပါတယ်။အခုဆိုရင်လည်း ဦးလေးတစ်ယောက်က ကလေးငယ်လေးကိုလက်ဆွဲပြီး ဆရာစံလမ်းထိပ်၊ပုလဲကွန်ဒိုမီးပွိုင့်မှာ နေ့တိုင်းနီးပါး စပါးလေးတွေရောင်းချနေတာဖြစ်ပါတယ်။သူ့ရဲ့အမျိုးသမီးက “ဆီးချို၊သွေးတိုး၊မီးယပ်ဖြစ်နေလို့ စပါးလေးဝယ်ပါ”ဆိုပြီးတော့လည်း စာလေးရေးကာ ချိတ်ဆွဲထားတာဖြစ်ပါတယ်။
ပူပြင်းတဲ့နေရောင်ကို အံတုပြီး တစ်နေ့တာအဆင်ပြေဖို့အတွက် ရုန်းကန်နေရတဲ့ သားအဖနှစ်ယောက်ပုံကို ပြည်သူတစ်ဦးက သွားလာရင်းနဲ့တွေ့လို့ ဓာတ်ပုံရိုက်လာတာဖြစ်ပါတယ်။ပြည်သူတွေလည်း ဆရာစံလမ်းဘက်ရောက်တဲ့အခါ စပါးရောင်းနေတဲ့ ဒီသားအဖကိုတွေ့ခဲ့ရင် တတ်နိုင်သလောက်ကူညီပေးကြပါဦးလို့ မေတ္တာရပ်ခံလိုက်ပါတယ်။ဒီလိုကာလမှာ လူတိုင်းနီးပါး ခက်ခဲနေကြတာကြောင့် ဝမ်းရေးအတွက်အဆင်ပြေသလိုသာရပ်တည်နေရတဲ့အကြောင်းလေးကို ပြန်လည်မျှဝေပေးလိုက်ပါတယ်။
Source&Photo Credit: Original Uploder