အဖြူ၊အစိမ်းကိုဝတ်ဆင်ထားပြီး ဆန္ဒထုတ်ဖော်ထားတဲ့စာရွက်လေးတွေကိုင်ကာ တတ်နိုင်သလောက်ပါဝင်နေကြတဲ့ ဆယ်တန်းကျောင်းသူလေးများ

လက်ရှိဖြစ်ပေါ်နေတဲ့အခြေအနေမှာဆိုရင် လူကြီးတွေကအစပြုပြီး ကလေးငယ်အဆုံးထိ တတ်နိုင်တဲ့ နေရာကနေစိတ်ဓာတ်အားမာန်နဲ့ ပါဝင်လှုပ်ရှားနေကြတာပဲဖြစ်ပါတယ်။ပြည်သူတွေရဲ့ စည်းလုံးညီညွတ်မှုကြောင့် ရက်ပေါင်း(၈၈) ရက် ကြာမြင့်သွားသည့်တိုင်အောင် အားအင်အပြည့်နဲ့ တွန်းလှန်နေကြဆဲဖြစ်ပါတယ်။ယခုရက်ပိုင်းတွေမှာဆိုရင် အမြို့မြို့၊အနယ်နယ်မှာနေထိုင်ကြတဲ့ ပြည်သူလူထုက လမ်းပေါ်ထွက်ပြီး လူထုလှုပ်ရှားမှုတွေကို ဆက်လက်ဆောင်ရွက်နေကြတာ ဖြစ်ပါတယ်။ 

အခုဆိုရင်လည်း ဆယ်တန်းကျောင်းသူလေးတွေက မိမိတို့ရဲ့အနာဂတ်အတွက် သူတို့ရဲ့ဆန္ဒလေးတွေကို ထုတ်ဖော်လိုက်ကြတာဖြစ်ပါတယ်။ကျောင်းသူလေးတွေက အဖြူနဲ့အစိမ်းကို ဝတ်ဆင်ထားကြပြီး ဆန္ဒထုတ်ဖော်ထားတဲ့စာရွက်လေးတွေလည်း ကိုင်ထားကြတာဖြစ်ပါတယ်။သူတို့ရေးသားထားတာလေးတွေကတော့ “ကျောင်းမတက်လို့ စာမတတ်လည်းနေပါစေ အမှန်တရားဘက်ရပ်တည်နေတာမို့ လိပ်ပြာလုံပါတယ်” “လာဘ်ထိုးမှ အမှတ်တိုးမယ့်ခေတ်ပြန်မရောက်ချင်ဘူး” စတဲ့အကြောင်းအရာလေးတွေပဲ ဖြစ်ပါတယ်။

အခုအခြေအနေမှာဆိုရင် ကျောင်းသား၊ကျောင်းသူတွေလည်း ပညာရေးတစ်ပိုင်းတစ်စဖြစ်နေကြပေမယ့် အရာရာကိုစွန့်လွှတ်ရဲကြလို့ တစ်ထောင့်တစ်နေရာကနေ ပူးပေါင်းပါဝင်နေကြတာဖြစ်ပါတယ်။Gen X,Y,Zတွေကလည်းမျိုးစက်သစ်လေးတွေရဲ့ အနာဂတ်အတွက် အသက်ကိုတောင်ပေးရဲပြီး အစွမ်းကုန် ရင်ဆိုင်နေကြတာပဲဖြစ်ပါတယ်။လက်ရှိဖြစ်ပေါ်နေတဲ့အခြေအနေအတွက် ဆယ်တန်းကျောင်းသူလေးတွေကပါ ဆန္ဒထုတ်ဖော်လာကြတဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်။

Source&Photo Credit: Original Uploder